Клімент II (Папа Рымскі)

З пляцоўкі Вікіпедыя
Перайсці да: рух, знайсці
Партрэт Клімента II. Каля 1850 г.
Клімент II
лац.: Clemens PP. II
Клімент II
149-ы Папа Рымскі
25 снежня 1046 — 9 кастрычніка 1047
Царква:

Рымска-каталіцкая царква

Папярэднік:

Рыгор VI

Пераемнік:

Бенедыкт IX


Прафесія:

ксёндз

Імя пры нараджэнні:

граф Суітгер Шыдгер-Морслебен-Горнбург

Нараджэнне:

1005(1005)
Хорнбург, Саксонія, Германія

Смерць:

9 кастрычніка 1047(1047-10-09)
Пезара, Італія

Пахаванне:

Бамбергскі кафедральны сабор

Бацька:

Конрад Морслебен-Горнбург

Лагатып Вікісховішча Клімент II на Вікісховішчы

Клімент II (лац.: Clemens PP. II; свецкае імя граф Суітгер Шыдгер-Морслебен-Горнбург, ням.: Suitger, Graf von Morsleben und Hornburg; 1005 — 9 кастрычніка 1047) — Папа Рымскі з 25 снежня 1046 па 9 кастрычніка 1047. Ён быў другім з Папаў Рымскіх з Германіі

Нарадзіўся ў Хорнбургу, Ніжняя Саксонія, Германія. Ён быў сынам графа Конрада з Морслебена і Гамбурга і яго жонкі Амалрэд.

У 1040 годзе ён стаў біскупам Бамберга. У 1046 годзе ён суправаджаў караля Генрыха III у яго італьянскай кампаніі, і 20 снежня ўдзельнічаў у царкоўным сінодзе Сутры, які зрынуў былых Папаў Рымскіх Бенедыкта IX і Сільвестра III і пераканаў Папу Рымскага Рыгора VI пакінуць Святы Прастол. Кароль Генрых III прапанаваў Суітгера на папства і сінод зацвердзіў яго. Неадкладна пасля выбараў кароль Генрых і новы Папа Рымскі выехалі ў Рым, дзе Клемент 25 снежня каранаваў Генрыха III як імператара Свяшчэннай Рымскай імперыі.

Кароткі пантыфікат Клімента II пачаўся з рымскага сінода 1047 года, які паклаў пачатак паляпшэнню спраў у рымскай царкве, асабліва прадпісваючы дэкрэты супраць сіманіі. Выбары Клемента былі пазней раскрытыкаваны партыяй рэформаў у межах папскай курыі з-за дачынення да гэтага караля і факту, што новы Папа Рымскі ўжо быў біскупам іншай дыяцэзіі. Насуперак пазнейшай практыцы Клемент кіраваў і Рымам і Бамбергам адначасова.

Клемент суправаджаў імператара ў яго паездцы па паўднёвай Італіі і наклаў інтэрдыкт на Беневента за адмову адкрыць свае вароты перад імі. Рушыўшы ўслед за Генрыхам у Германію ён кананізаваў Вібараду, закатаваную венграмі ў 925 годзе. На шляху назад у Рым ён памёр каля Пезара ў кастрычніку 1047 года. Яго труп быў вернуты ў Бамберг, які ён вельмі любіў і пахаваны ў заходнім хоры ў Бамбергскім кафедральным саборы. Клемент - адзіны Папа Рымскі, пахаваны на поўнач ад Альпаў.

Помнік Клементу II у Гамбургу
Грабніца Клемента II

Таксікалагічная экспертыза яго рэштак, праведзеная ў сярэдзіне 20-га стагоддзя, пацвердзіла векавыя чуткі, што Клемент быў атручаны свінцовым цукрам.[1] Не ясна, аднак, ці быў ён забіты ці выкарыстоўваў свінцовы цукар у якасці лекаў

Зноскі

  1. Specht W and Fischer K (1959). Vergiftungsnachweis an den Resten einer 900 Jahre alten Leiche. Arch. Kriminol., 124: 61–84. [Translation:Intoxication evidence in the remains of a 900 year old corpse]

Літаратура[правіць | правіць зыходнік]