Клінцоўскі раён

Клінцоўскі раён
Клинцовский район
Сцяг Герб
Краіна	Расія
Статус	раён
Уваходзіць у	Бранскую вобласць
Адміністрацыйны цэнтр	Клінцы
Дата ўтварэння	1929
Насельніцтва (2002)	23 581
Плошча	1 291 км²
Часавы пояс	+2UTC +3
Тэлефонны код	+7 48336
Код аўтам. нумароў	32
Афіцыйны сайт
Медыяфайлы на Вікісховішчы

Клінцоўскі раён — адміністрацыйна-тэрытарыяльная адзінка на паўднёвым захадзе Бранскай вобласці Расіі. Адміністрацыйны цэнтр — горад Клінцы.

Геаграфія

Плошча раёна — 1291 км². Асноўныя рэкі — Іпуць, Унеча, Турасна.

Клінцоўскі раён мяжуе з наступнымі муніцыпальнымі раёнамі Бранскай вобласці:

• Суражскім раёнам на паўночным усходзе,
• Унецкім раёнам на ўсходзе,
• Старадубскім раёнам на паўднёвым усходзе,
• Клімаўскім раёнам на поўдні,
• Навазыбкаўскім раёнам на паўднёвым захадзе,
• Гардзееўскім раёнам на паўночным захадзе.

Гісторыя

Клінцоўскі раён быў утвораны ў 1929 і ад пачатку ўваходзіў у Клінцоўскую акругу Заходняй вобласці з цэнтрам у г. Смаленску. У 1937—1944 раён уваходзіў у Арлоўскую вобласць.

5 ліпеня 1944 Указам Прэзідыуму Вярхоўнага Савета СССР была ўтворана Бранская вобласць, у склад якой, нароўні з іншымі, быў уключаны і Клінцоўскі раён.

Дэмаграфія

Насельніцтва раёна складае 21,8 тыс. чалавек (без раённага цэнтра, у Клінцах жывуць каля 66 тыс. чалавек). Усяго налічваецца 129 населеных пунктаў.

Адміністрацыйна-тэрытарыяльны падзел

Па муніцыпальнай рэформе (2005) у раёне налічваецца 9 сельскіх паселішчаў:

1. Вялікатапальскае сельскае паселішча
2. Гулёўскае сельскае паселішча
3. Каржовагалубоўскае сельскае паселішча
4. Лопаценскае сельскае паселішча
5. Мядзвёдаўскае сельскае паселішча
6. Першамайскае сельскае паселішча
7. Ражноўскае сельскае паселішча
8. Смалявіцкае сельскае паселішча
9. Сматравабудскае сельскае паселішча

Славутасці

• Сядзібна-паркавы комплекс Румянцавых і царква Праабражэння Гасподняга ў в. Вялікая Тапаль.
• Царква Св. Тройцы ў в. Мядзвёдава.
• Царква Св. Мікалая ў в. Лопатні.
• Царква Покрыва Прасв. Багародзіцы ў в. Сасноўка.
• Царква Св. Мікалая ў в. Смалявічы.
• Царква Св. Сергія Раданежскага ў в. Тулукоўшчына.

Спасылкі

• Клінцоўскі раён на Radzima.org