Колін Мак-Калау

З Вікіпедыі, свабоднай энцыклапедыі
Колін Мак-Калау
Colleen McCullough
Асабістыя звесткі
Імя пры нараджэнні англ.: Colleen McCullough
Дата нараджэння 1 чэрвеня 1937(1937-06-01)[1][2][…]
Месца нараджэння
Дата смерці 29 студзеня 2015(2015-01-29)[1][2][…] (77 гадоў)
Месца смерці
Грамадзянства Сцяг Аўстраліі Аўстралія
Муж Cedric Newton Ion-Robinson[d]
Альма-матар
Месца працы
Прафесійная дзейнасць
Род дзейнасці раманіст, урач-пісьменнік, неўролаг, біёграф, пісьменнік навуковай фантастыкі, сцэнарыст
Гады творчасці з 1974
Дэбют «Цім», 1974
Грамадская дзейнасць
Член у
Узнагароды

Колін Мак-Калау (англ.: Colleen McCullough; 1 чэрвеня 1937, Уэлінгтан, Новы Паўднёвы Уэльс — 29 студзеня 2015) — аўстралійская пісьменніца, якая праславілася раманам «Птушкі ў цярноўніку».

Біяграфія[правіць | правіць зыходнік]

Нарадзілася 1 чэрвеня 1937 года ў Новай Зеландыі, у горадзе Уэлінгтан (Новы Паўднёвы Уэльс) у сям’і Джэймса і Лоры Мак-Калау. Маці Колін была родам з Новай Зеландыі, сярод яе продкаў былі выхадцы з племені маоры, карэннага насельніцтва Новай Зеландыі. Сям’я Мак-Калау часта пераязджала, асеўшы ў канчатковым выніку ў Сіднеі. Колін шмат чытала і малявала, і нават пісала вершы. Пад уплывам бацькоў Колін у якасці будучай прафесіі абрала медыцыну. Яна вучылася ва Універсітэце Сіднея, дзе абрала спецыялізацыяй нейрапсіхалогію. Пасля заканчэння ўніверсітэта працавала ў Каралеўскай бальніцы Паўночнага ўзбярэжжа. У 1963 году Колін Мак-Калау пераехала ў Лондан. З 1967 па 1976 г. Мак-Калау займаецца навуковай і выкладчыцкай дзейнасцю ў аддзяленні нейрабіялогіі Ельскай медыцынскай школы пры Ельскім універсітэце.

Колін Мак-Калау памерла ў бальніцы на востраве Норфалк (Аўстралія). Яна перанесла некалькі інфарктаў і апошнія гады была прыкавана да інваліднага вазка.

Творчасць[правіць | правіць зыходнік]

У 1974 годзе быў апублікаваны дэбютны раман Колін Мак-Калау «Цім», а праз тры гады у свет выйшлі знакамітыя «Птушкі ў цярноўніку» — кніга стала міжнародным бестселерам, была перакладзена больш чым на 20 моў і прынесла аўтару прызнанне і славу. У 1983-м яна была экранізавана. Апошні раман аўстралійскай пісьменніцы «Горкая радасць» датаваная 2013 годам. Усяго Колін Мак-Калау напісала больш за 25 кніг.

Кнігі[правіць | правіць зыходнік]

Раманы[правіць | правіць зыходнік]

  • Цім (1974) — аб старой дзеўцы і разумова адсталым юнаку
  • Птушкі ў цярноўніку (1977) — сага пра жыццё трох пакаленняў аўстралійцаў
  • Непрыстойная страсць (1981) — аб ваенным шпіталі
  • Сімвал веры трэцяга тысячагоддзя (1985) — фантастыка пра каханне і месіянства
  • Лэдзі з Місалонгі (1987) — тры дамы ў маленькім аўстралійскім мястэчку
  • Песня пра Трою (1998) — апавяданне аб аблозе Троі ад асобы каля дзясятка ўдзельнікаў легендарных падзей
  • Шлях Моргана (2000) — гістарычны раман пра Рычарда Моргана — чалавека, які ўмеў ненавідзець і любіць
  • Дакрананне (2003) — гісторыя шатландскага аўстралійца Аляксандра Кінроса, яго жонкі, палюбоўніцы і іх дзяцей
  • Мілы анёл (2004) — малодшая дачка сыходзіць з дому і здымае кватэру ў раёне чырвоных ліхтароў Сіднея
  • Незалежнасць міс Мэры Бэнэт (2008) — працяг самага славутага рамана Джэйн Осцін «Пыха і перадузятасць»: версія лёсу і прыгод адной з сясцёр Бэнэт — рашучай суфражысткі Мэры

Біяграфіі[правіць | правіць зыходнік]

  • The Courage and the Will: The Life of Roden Cutler VC (1999) — біяграфія Родэна Катлера, кавалера найвышэйшай ваеннай ўзнагароды Вялікабрытаніі Крыжа Вікторыі, аўстралійскага дыпламата і самага доўгачасовага губернатара Новага Паўднёвага Уэльса.

«Уладары Рыма» (Рымская серыя)[правіць | правіць зыходнік]

Зноскі

  1. ↑ а б Internet Movie Database — 1990. Праверана 14 кастрычніка 2015.
  2. ↑ а б Colleen McCullough // Encyclopædia Britannica Праверана 9 кастрычніка 2017.
  3. ↑ а б NNDB — 2002.

Спасылкі[правіць | правіць зыходнік]

Узята з "https://be.wikipedia.org/w/index.php?title=Колін_Мак-Калау&oldid=4612700"