Кора Рычардсан-Ходж
| Кора Рычардсан-Ходж | |||||||
|---|---|---|---|---|---|---|---|
| англ.: Cora Richardson-Hodge | |||||||
|
| |||||||
|
|||||||
| Папярэднік | Эліс Уэбстэр | ||||||
|
|
|||||||
| Нараджэнне | |||||||
| Грамадзянства | |||||||
| Партыя | |||||||
Кора Рычардсан-Ходж (англ.: Cora Richardson-Hodge; в. Сент-Томас, Амерыканскія Віргінскія астравы) — палітык Ангільі, прэм’ер-міністр Ангільі з 27 лютага 2025 года і член Палаты сходу ад акругі Сэндзі-Хіл з 2015 года. Яна з’яўляецца лідарам Аб’яднанага фронту Ангільі. Яна - першая жанчына на пасадзе прэм’ер-міністра Ангільі і адна з першых жанчын, абраных у Палату сходаў з 1984 года.
Біяграфія
[правіць | правіць зыходнік]Нарадзілася на востраве Сент-Томас Амерыканскіх Віргінскіх астравоў, дзе атрымала пачатковую адукацыю ў сярэдняй школе Шарлота-Амаліі. У 1995 годзе атрымала ступень бакалаўра навук у галіне навук аб навакольным асяроддзі ў Фларыдскім інстытуце тэхналогій, у 1999-м — ступень доктара права ў Каледжы права Універсітэта Стэтсана і сертыфікат аб юрыдычнай адукацыі ў Юрыдычнай школе імя Юджына Дзюпюша.[1][2]
У 2000-х пераехала ў Ангілью. На ўсеагульных выбарах 2010 года Рычардсан-Ходж балатавалася ад Аб’яднанага фронту Ангільі (АФА), аднак не здолела прайсці ў Палату Сходаў. На наступных выбарах 2015 года яна была абраная ў парламен, і разам з Эвалі А. Брэдлі і Пальмавон Уэбстэр яна стала адной з першых жанчын, абраных з часоў Абены Лэйк-Ходж у 1984 годзе.[2]
Рычардсан-Ходж займала пасаду міністра ўнутраных спраў. Яна была намеснікам кіраўніка АФА, а 3 ліпеня 2020 года стала яго лідарам і лідаркай апазіцыі ў парламенце.[3] На ўсеагульных выбарах 2025 года Аб’яднаны фронт Ангільі атрымаў большасць месцаў у парламенце. 27 лютага 2025 года Рычардсан-Ходж прывялі да прысягі як першую жанчыну прэм’ер-міністра Ангільі.[4]
Крыніцы
[правіць | правіць зыходнік]- ↑ Smith, Sheridan. Cora Richardson Hodge sworn in as Anguilla’s first female premier. The Anguillian Newspaper (27 лютага 2025). Архівавана з першакрыніцы 14 сакавіка 2022. Праверана 30 верасня 2025.
- ↑ а б Cora Richardson-Hodge. Caribbean Elections. Архівавана з першакрыніцы 17 May 2022.
- ↑ Former AUF Minister Now Opposition Leader. The Anguillian. 6 July 2020. Архівавана з арыгінала 17 June 2025.
- ↑ Bird, Rebecca (27 February 2025). Cora Richardson Hodge sworn in as Anguilla's first female premier. Anguilla Focus. Архівавана з арыгінала 17 June 2025.