Костас Варналіс

Костас Варналіс
Κώστας Βάρναλης
Асабістыя звесткі
Псеўданімы	Дымас Таналіяс
Дата нараджэння	14 лютага 1884(1884-02-14)
Месца нараджэння	Бургас, Балгарыя
Дата смерці	16 снежня 1974(1974-12-16)[…] (90 гадоў)
Месца смерці	Афіны, Грэцыя
Пахаванне	Першыя афінскія могілкі[d]
Грамадзянства	Грэцыя
Альма-матар	Афінскі ўніверсітэт Zariphios School[d]
Месца працы	Афінскі ўніверсітэт
Прафесійная дзейнасць
Род дзейнасці	празаік, паэт, драматург, перакладчык
Гады творчасці	1905—1974
Жанр	паэзія
Мова твораў	грэчаская
Грамадская дзейнасць
Член у	Нацыянальна-вызваленчы фронт Грэцыі Камуністычная партыя Грэцыі[d]
Прэміі
Узнагароды
Подпіс
Медыяфайлы на Вікісховішчы

Ко́стас Ва́рналіс (грэч. Κώστας Βάρναλης; 26 лютага 1884, г. Бургас, Балгарыя — 16 снежня 1974) — грэчаскі пісьменнік.

Біяграфія

Нарадзіўся 26 лютага 1884 года ў Бургасе (Балгарыя) у сям'і грэчаскага шаўца Янакаса Бубуса (Варналіс — мянушка, якая азначае, што род паходзіць з Варны). Скончыўшы школу і педагагічнае вучылішча ў Плоўдзіве. У 1909 годзе скончыў Афінскі ўніверсітэт, выкладаў у гімназіі і быў дырэктарам школы. Выкладаў таксама ў сваёй Афінскім універсітэце. У 1918 годзе атрымаў дзяржаўную стыпендыю і 1919—1921 гадах знаходзіўся ў Парыжы, слухаў у Сарбоне лекцыі па філалогіі і эстэтыцы.

Пераследаваўся за свае погляды: у 1925 годзе ён быў звольнены з выкладчыцкай працы, а ў 1935 — сасланы. З іншага боку, ён як праваднік пракамуністычных ідэй карыстаўся вялікай увагай з боку савецкіх улад: у 1934 годзе быў запрошаны ў СССР, дзе ён прыняў удзел у Першым з'ездзе савецкіх пісьменнікаў, а ў 1959 — узнагароджаны Міжнароднай Ленінскай прэміяй «За ўмацаванне міру паміж народамі».

Творчасць

Першы зборнік вершаў «Соты» (1905) прасякнуты геданістычнымі і эстэцкімі матывамі. Аўтар зборнікаў палітычнай лірыкі «Свабодны свет» (1965), «Гнеў народа» (1975), паэм «Святло, якое пячэ» (1922), «Асаджаныя рабы» (1927), сатырычных аповесцяў-памфлетаў «Сапраўдная апалогія Сакрата» (1931; беларускі пераклад М. Бусла), «Дзённік Пенелопы» (1947) і інш., зборнік памфлетаў «Дыктатары» (1954), драмы «Атал III» (1970), літаратурна-крытычных артыкулаў (кніга «Эстэтыка—крытыка», 1958).

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Беларускія пераклады

• Сапраўдная апалогія Сакрата // Далягляды. Мн., 1992;

Спасылкі

• На Вікісховішчы ёсць медыяфайлы па тэме Костас Варналіс