Краснасялькупскі раён

Краснасялькупскі раён
Герб Сцяг
Краіна	Расія
Уваходзіць у	Ямала-Ненецкая аўтаномная акруга
Адміністрацыйны цэнтр	Краснасялькуп
Насельніцтва	▲5 789 чал. (2021)
Плошча	106 270 км²
Афіцыйны сайт
Медыяфайлы на Вікісховішчы

Краснасялькупскі раён — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальная акруга, з 2005 па 2021 гады — муніцыпальны раён) у Ямала-Ненецкай аўтаномнай акрузе Расіі.

Адміністрацыйны цэнтр — сяло Краснасялькуп.

Геаграфія

Размешчаны ў паўднёва-ўсходняй частцы аўтаномнай акругі. Працягласць з поўначы на поўдзень складае 500 км, з захаду на ўсход — 350 км. Плошча раёна — 106 758,99 км², што складае прыблізна 13,88 % ад агульнай плошчы Ямала-Ненецкай аўтаномнай акругі і 7,29 % ад плошчы ўсёй Цюменскай вобласці. Акрамя таго, па плошчы Краснасялькупскі раён буйнейшы за 54 з 85 рэгіёнаў Расіі.

Краснасялькупскі раён мяжуе:

• на поўначы — з Тазаўскім раёнам Ямала-Ненецкай аўтаномнай акругі;
• на захадзе — з Пуроўскім раёнам Ямала-Ненецкай аўтаномнай акругі;
• на поўдні — з Ніжневартаўскім раёнам суседняй Ханты-Мансійскай аўтаномнай акругі — Югры;
• на ўсходзе — з Туруханскім раёнам суседняга Краснаярскага края.

Акрамя таго, усходняя мяжа раёна з’яўляецца часткай мяжы паміж Уральскай і Сібірскай федэральнымі акругамі, а таксама Заходне-Сібірскім і Усходне-Сібірскім эканамічнымі раёнамі Расіі.

Асноўная водная артэрыя — рака Таз з яе прытокамі. Ёсць значныя запасы нафты і газу.