Крстэ Петкаў Місіркаў

Крстэ Петкаў Місіркаў
Крсте Петков Мисирков
Асабістыя звесткі
Дата нараджэння	18 лістапада 1874(1874-11-18)
Месца нараджэння	Pella[d], абшчына Пела[d], Pella Regional Unit[d], Цэнтральная Македонія, дэцэнтралізаваная адміністрацыя Македонія і Фракія[d], Грэцыя
Дата смерці	26 чэрвеня 1926(1926-06-26)[…] (51 год) ці 26 ліпеня 1926(1926-07-26) (51 год)
Месца смерці	Сафія, абшчына Сталічна[d], гарадская вобласць Сафія[d], Балгарыя
Пахаванне	Цэнтральныя могілкі Сафіі[d]
Грамадзянства	Балгарыя
Жонка	Q12279582?
Дзеці	Sergey Misirkov[d] і Boris Missirkov[d]
Альма-матар	філасофскі факультэт Бялградскага ўніверсітэта[d] Адэскі нацыянальны ўніверсітэт імя І. І. Мечнікава
Прафесійная дзейнасць
Род дзейнасці	фалькларыст, публіцыст, перакладчык
Подпіс
Медыяфайлы на Вікісховішчы

Крстэ Петкаў Місіркаў (макед.: Крсте Петков Мисирков; 1874—1926) — македонскі філолаг, фалькларыст, публіцыст, гісторык, палітык, дыпламат і перакладчык, адна з найвыбітных асоб македонскага нацыянальнага адраджэння. Быў тыповым прадстаўніком македонскага сепаратызму.

Вучыўся ў Шабацы (Сербія), потым жыў у Сафіі (Балгарыя). Вышэйшую адукацыю атрымаў у Расійскай імперыі, скончыў гістарычна-філалагічны факультэт у Петраградзе. Пасля вяртання з Расіі з 1879 года працуе настаўнікам у Бітале, пазней зноў за мяжой — у Адэсе і Кішынёве. У гэты перыяд умацаваўся ў сваіх поглядах на македонскую культурную і нацыянальную самабытнасць. Да інтэлектуальнага сталення К. П. Місіркава спрычыніліся таксама гады навучання ў грэчаскіх школах, у Сербіі, Балгарыі, Расіі, дзякуючы якім ён мог убачыць балканскія моўныя і сацыякультурныя пытанні ў розных кантэкстах. Падчас навучання ў Расіі заснаваў студэнцкую суполку «Вардар», якая пазней ператварылася ў навуковую і літаратурную Асацыяцыю Святога Клімента і праіснавала з 1902 да 1905 года. За сваё жыццё К. П. Місіркаў напісаў больш за шэсцьдзясят прац, якія маюць вялізнае значэнне ў фарміраванні македонскай літаратурнай мовы. На базе трох рэфератаў, якія былі падрыхтаваныя для паседжанняў суполкі Святога Клімента, узнік яго найбуйнейшы твор «За македонцките работи» («Аб македонскім пытанні»). У пяці раздзелах кнігі К. П. Місіркаў разважае пра гісторыю мовы македонскіх славян, даводзіць іх права на самастойную літаратурную мову, канцэпцыю якой выкладае ў пятым раздзеле. Такім чынам, К. П. Місіркаў быў першым, хто навукова падыйшоў да вызначэння спецыфічнасці македонскага моўнага пытання.

К. П. Місіркаў падтрымліваў ідэю рэвалюцыйнай барацьбы за аўтаномную Македонію і ўхваляў шлях агульнамакедонскага паўстання. Кніга «Аб македонскім пытанні» была выдадзеная ў 1903 годзе ў Сафіі, аднак неўзабаве амаль увесь тыраж быў ліквідаваны балгарскімі ўладамі.

Спасылкі

• На Вікісховішчы ёсць медыяфайлы па тэме Крстэ Петкаў Місіркаў
• Крстэ Місіркаў Архівавана 20 снежня 2014. — біяграфія (макед.) (англ.)