Крынічнік вясенні[3] (Veronica verna) — травяністая расліна, від роду Крынічнік (Veronica) сямейства Трыпутнікавыя (Plantaginaceae), распаўсюджаны ў Марока, Еўропе, Цэнтральнай Азіі.
Аднагадовая або двухгадовая расліна 5-15 (25) см вышынёй. Сцёблы прамыя; валасінкі белыя і выгнутыя. Лісце рана ападае, ніжняе кароткачарашковае, сярэдняе сядзячае, ліставая пласцінка яйкападобная, пёрыстанадрэзаная, 5-12 × 4-7 мм. Суквецці тэрмінальныя і пахвавыя, выцягнутыя, шматкветкавыя, залозістыя або шчаціністыя. Прыкветкі чарговыя, ніжнія ланцэтныя і лопасцевыя, верхнія лінейныя і цэлыя. Чашачка 4-дольная; долі вузкаланцэтныя, 3-жыльныя. Вяночак ад блакітнавата-сіняга да сіне-фіялетавага, прыкладна 3 мм у дыяметры, амаль удвая менш чашачкі. Тычынкі карацей, чым вяночак. Каробачка з клінаватым аснаваннем, слупок ледзь выдаецца або не выдаецца з вымання каробачкі. Насенне ≈8 на капсулу, пляскатае, выпуклае з абодвух бакоў, 0.7-0.9 X 0.5-0.7 мм, гладкае. 2n = 16[4].
Ва Украіне від расце на палях, сухіх лугах, камяністых схілах — амаль на ўсёй тэрыторыі, але ў Закарпацці (Рахіўскі раён, с. Расішка(укр.) (бел.), рэдкі; адсутнічае ў высакагор’і Карпат. Пустазелле.
