Крыпта Святога Леанарда
Крыпта Святога Леанарда размяшчаецца пад Саборам Святых Станіслава і Вацлава ў Кракаве. З'яўляецца помнікам раманскай архітэктуры. Крыпта была пабудавана ў XI стагоддзі (каля 1038-1039-х гадоў) па распараджэнні караля Казіміра I, які перанёс у горад сваю рэзідэнцыю.
У канцы XI стагоддзі пачаліся будаўнічыя працы над саборам пад назвай ‘Hermanowska’. Верагодна, што фундатарам гэтага праекта быў Уладзіслаў I Герман. Сабор быў асвячоны ў 1142 годзе. Пра гэта збудаванне вядома мала: яго выява маецца на адной з пячатак XIII стагоддзя. Фрагменты яго захаваліся да нашых дзён — гэта падмуркі Гадзіннікавай вежы, ніжняя частка сцен вежы «Сярэбраных звонаў» і падземная крыпта Св. Леанарда[1]
У 1118 годзе ў ёй быў пахаваны біскуп Маўрый, хоць пазней з яго магілы былі выняты патэна і пацір.
Архітэктура[правіць | правіць зыходнік]
Крыпту Св. Леанарда, пабудаваную з велізарных, старанна абчасаных каменных блокаў[1], адрознівае строгая і ясная манументальнасць. Крыпта падзелены тры нефы васьмю кароткімі калонамі з грубымі базамі[1] і надзвычай лаканічнымі па формах[2], паўкруглымі капітэлямі. На калоны абапіраюцца магутныя крыжовыя скляпенні, значнасць значнасць і цяжар якіх падкрэсліваюцца папружнымі аркамі[2].
Алтар быў выкананы ўжо ў XIX стагоддзі па праекце Віяле ле Дзюка[1].
Пахаванні[правіць | правіць зыходнік]
У склепе пахаваны шматлікія польскія каралі і вядомыя гістарычныя дзеячы.
- Міхаіл Карыбут Вішнявецкі — кароль Рэчы Паспалітай
- Ян III Сабескі — кароль Рэчы Паспалітай і камандуючы польскай арміяй падчас Венскай бітвы
- Марыя Казіміра — каралева Рэчы Паспалітай і жонка Яна III Сабескага
- Юзаф Панятоўскі — князь Польшчы і маршал Францыі
- Тадэвуш Касцюшка — генерал, рэвалюцыянер і брыгадны генерал арміі ЗША ў час Вайны за незалежнасць
- Уладзіслаў Сікорскі — прэм'ер-міністр польскага ўрада ў выгнанні і вярхоўны галоўнакамандуючы Узброеных сіл Польшчы
Папа Рымскі Ян Павел II правёў сваю першую імшу на алтары ў крыпце Святога Леанарда 2 лістапада 1946 года, праз адзін дзень пасля яго пасвячэння ў святары.
Зноскі
Спасылкі[правіць | правіць зыходнік]
На Вікісховішчы ёсць медыяфайлы па тэме Крыпта Святога Леанарда- Royal tombs of the Wawel Cathedral in Krakow (англ.)
