Крысціна Бандурына

З пляцоўкі Вікіпедыя
Jump to navigation Jump to search
Крысціна Бандурына
Асабістыя звесткі
Дата нараджэння 1992
Месца нараджэння
Альма-матар
Месца працы
Прафесійная дзейнасць
Род дзейнасці паэтэса, грамадскі актывіст
Мова твораў беларуская
Узнагароды

Крысціна Бандурына (1992, Мазыр, Гомельская вобласць) — беларуская паэтка.

Біяграфія[правіць | правіць зыходнік]

Вучылася ў сярэдняй школе № 9 у г. Мазыр, скончыла філалагічны факультэт Гомельскага дзяржаўнага ўніверсітэта імя Ф. Скарыны па спецыяльнасці «Беларуская філалогія», магістратуру Беларускага дзяржаўнага ўніверсітэта («Амерыканская літаратура»). Працавала рэдактарам аддзела паэзіі ў часопісе «Маладосць» (2017—2018).

Выпускніца Школы маладога пісьменніка пры «Саюзе беларускіх пісьменнікаў» (2015), Школы маладога літаратара «W/Rights» (аддзяленне паэзіі і перакладу, 2020).

Філолаг, рэдактар, вывучае беларускую і амерыканскую літаратуру. Жыве ў Мінску.

Творчасць[правіць | правіць зыходнік]

Фіналістка конкурса «Экслібрыс» імя Аляксандра Уласава (2014), удзельніца праграмы «Рэзідэнцыя маладога літаратара» (2015), фестывалю «Вершы на асфальце» (2015—2021; Арганізатары фестывалю: ГА «Саюз беларускіх пісьменнікаў» і Беларускі ПЭН-цэнтр), паэтычнага семінара з Вальжынай Морт (2017), праектаў «Вершаява» і «Transformation» Фонда Роберта Боша і Беларускага ПЭН-цэнтра (2017—2018).

Лаўрэатка прэміі «Залаты апостраф» часопіса «Дзеяслоў» у намінацыі «Дэбют» (2016).

Мае зборнік вершаў «Homo» (2019, выдавецтва «Галіяфы») і зборнік перакладаў вершаў на рускую мову «Псалмы и сонники» (2021, выдавецкая серыя «UGAR»).

Вершы перакладаліся на рускую, украінскую, англійскую, нямецкую, літоўскую, чэшскую, польскую, шведскую і дацкую мовы.

Грамадская дзейнасць[правіць | правіць зыходнік]

Вяла блог па праблемах дамашняга гвалту. Працавала ў межах праекта «Маё права» Будзьма беларусамі![1]. ЛГБТ-актывістка. Удзельніца відэазвароту сучасных беларускіх паэтаў да ўдзельнікаў мірных пратэстаў 25 лістапада 2020 года[2].

Зноскі

Літаратура[правіць | правіць зыходнік]

  • Бандурына К. Homo — Мн.: Галіяфы, 2019.
  • Бандурина К. Псалмы и сонники — М.: UGAR, 2021.

Спасылкі[правіць | правіць зыходнік]