Крысціна Саксонская

З пляцоўкі Вікіпедыя
Перайсці да навігацыі Перайсці да пошуку
Крысціна Саксонская
ням.: Christina von Sachsen
Dronning-Christine.jpg
Coat of arms of Saxony.svg

каралева-кансорт Даніі[d]
21 мая 1481 — 20 лютага 1513
Папярэднік Даратэя Брандэнбургская
Пераемнік Ізабела Габсбургская

Нараджэнне 25 снежня 1461[1][2][…]
Смерць 8 снежня 1521[1][2][…] (59 гадоў)
Месца пахавання
Род Ernestine line[d]
Бацька Ernest of Saxony[d]
Маці Elisabeth of Bavaria, Electress of Saxony[d]
Муж Ханс I[d][4]
Дзеці John of Denmark[d][5], Ernest of Denmark[d][5], Крысціян II[5], Лізавета Дацкая[d][5] і Prince Francis of Denmark[d][5]
Дзейнасць кансорт
Commons-logo.svg Крысціна Саксонская на Вікісховішчы

Крысціна Саксонская (дацк.: Christina von Sachsen; 25 снежня 1461, Торгау — 8 снежня 1521, Одэнсэ) — каралева-кансорт Даніі, Нарвегіі і Швецыі; жонка Ханса I Дацкага.

Біяграфія[правіць | правіць зыходнік]

Ранні перыяд жыцця[правіць | правіць зыходнік]

Крысціна была заручаная з Хансам у 1477 годзе. Пышнае вяселле адбылося праз год, 6 верасня 1478 года[6]. У 1481 годзе яна стала каралевай Даніі, аднак не была каранаваная да 1483 года, калі Ханс стаў таксама каралём Нарвегіі. 18 мая 1483 года яна і Ханс былі каранаваны каралём і каралевай Даніі і Нарвегіі.

На працягу першых дваццаці гадоў шлюбу інфармацыі пра Крысціну захавалася мала, верагодна яна прысвяціла жыццё сям’і і дзецям. Каралеўская пара мала жыла ў Капенгагене, але аддавала перавагу пераязджаць паміж каралеўскімі замкамі ў Фунене. Нішто не сведчыць пра тое, што яна займалася палітыкай падчас жыцця ў Даніі[6].

Крысціну называлі набожнай, яна плакала кожны раз, калі не магла наведаць імшу. У 1497 годзе яна разам з мужам заснавала кларысінскі манастыр у Капенгагене.

Данія[правіць | правіць зыходнік]

У 1497 годзе Ханс быў абраны каралём Швецыі. Праз два гады Крысціна таксама адправілася ў Швецыю, а 4 лютага 1499 года яны каранаваліся каралём і каралевай Швецыі ва Упсале. Яна суправаджала Ханса падчас яго другога і трэцяга візітаў у Швецыю ў 1500 годзе і ў студзені 1501 года, адпаведна. Падчас візіту ў 1501 годзе Ханс завёў раман з адной з яе фрэйлін, што прывяло да скандалу і фактычнага разрыву шлюбу.

Калі разгарэліся вайна за зрушэнне караля Ханса і дацка-шведская вайна (1501—1512), Ханс пакінуў Швецыю і адправіўся ў Данію ў жніўні 1501 года ў кампаніі палюбоўніцы. Ён пакінуў Крысціну, якая ў той час была занадта хворая для падарожжа, камандаваць гарнізонам замка Трэ-Крунур у Стакгольме ў якасці свайго рэгента і маральнай падтрымкі паслядоўнікаў. З верасня 1501 года па 6 мая 1502 года каралева Крысціна была абложаная шведскімі паўстанцамі. Гэта была адна з самых цяжкіх асад ў часы Кальмарскай уніі — з-за чумы і голаду ад гарнізона ў тысячу чалавек засталося толькі семдзесят. 9 мая 1502 года Крысціна здалася шведскаму рэгенту Стэну Стурэ Старэйшаму. Згодна мірнай дамове яна павінна была знаходзіцца ў манастыры ў Стакгольме, пакуль не зможа вярнуцца ў Данію. Лэдзі Інгеборг Тот суправадзіла яе ў манастыр. Стэн Стурэ старэйшы парушыў дамову і не аддаў Каралеву, калі за ёй быў дасланы карабель з Даніі. У кастрычніку 1503 года яна была нарэшце вызваленая і адпраўленая праз дацкую мяжу, дзе ў Хальмстадзе Каралеву сустрэў яе сын Крысціян.

Далейшае жыццё[правіць | правіць зыходнік]

У 1504 годзе яна здзейсніла паломніцтва ў Вільснак і Штэрнберг ў Брандэнбург, дзе таксама пабачылася са сваёй дачкой Лізаветай. Па вяртанні ў Данію яна заснавала кларысінскія манастыры ў Капенгагене і Одэнсэ[7].

Пасля яе вяртання ў Данію Крысціна пражыла рэшту жыцця асобна ад караля Ханса. У яе быў свой уласны асобны двор, куды часта прыязджалі госці, аднак сам кароль наведваўся рэдка[6]. Яна таксама жыла са сваім сынам Францішкам у Одэнсэ.

Крысціна цікавілася мастацтвам і музыкай і была дабрачынцай шматлікіх музыкаў, пісьменнікаў і мастакоў. Яна была дбайнай каталічкай, не жадаючай рэфармавання каталіцкай царквы[7]. Яна таксама была вядомая сваёй дабрачыннасцю.

У 1513 годзе яна аўдавела. Крысціна Саксонія памерла 8 снежня 1521 года ва ўзросце 59 гадоў.

Дзеці[правіць | правіць зыходнік]

6 верасня 1478 года Крысціна Саксонская выйшла замуж за Ханса I Дацкага (1455—1513). Іх дзецьмі былі:

Імя Дата нараджэння Дата смерці Нататкі
Ганс 1479 1480 Памёр у маленстве.
Эрнст 1480 1500
Крысціян 1 ліпеня 1481 25 студзеня 1559 Кароль Даніі, Нарвегіі і Швецыі.
Якаб 1484 1566
Лізавета 24 чэрвеня 1485 10 чэрвеня 1555 Выйшла замуж за Іаахіма I Нестара, курфюрста Брандэнбурга у 1502 годзе.
Францыск 15 ліпень 1497 1 красавіка 1511

Продкі[правіць | правіць зыходнік]

Зноскі

  1. 1,0 1,1 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #135952468 // Агульны нарматыўны кантроль — 2012—2016. Праверана 9 красавіка 2014.
  2. 2,0 2,1 Christine // LIBRIS Праверана 9 кастрычніка 2017.
  3. 3,0 3,1 Kristiina Saksilainen // Kansallisbiografia / пад рэд. M. KlingeSuomalaisen Kirjallisuuden Seura, Suomen Historiallinen Seura. — ISSN 1799-4349 Праверана 9 кастрычніка 2017.
  4. (unspecified title) Праверана 7 жніўня 2020.
  5. 5,0 5,1 5,2 5,3 5,4 Lundy D. R. The Peerage
  6. 6,0 6,1 6,2 Jorgensen, Ellen & Skovgaard, Johanne, Danske dronniger; fortaellinger og karakteristikker af Ellen Jorgensen og Johanne Skovgaard, Kobenhavn H. Hagerup, 1910
  7. 7,0 7,1 Dansk Biografisk Leksikon

Спасылкі[правіць | правіць зыходнік]