Крэйтэр (возера)

З пляцоўкі Вікіпедыя
Jump to navigation Jump to search
Возера Крэйтэр

Крэйтэр (англ. Crater Lake) — кратарнае возера ў ЗША, штат Арэгон. Асноўная славутасць нацыянальнага парку Возера Крэйтэр, вядома сваім глыбокім сінім колерам і чысцінёй вады. Возера часткова запаўняе кальдэру глыбінёй 1220 м, што сфарміравілася прыкладна 7700 гадоў таму пасля разбурэння вулкана Мазама.

Памеры возера: 8 на 9,6 км, сярэдняя глыбіня 350 м. Максімальная глыбіня складае 594 м, гэта самае глыбокае возера ў ЗША, другое па глыбіні ў Паўночнай Амерыцы і восьмае па глыбіні ва ўсім свеце. Край кальдэры знаходзіцца на вышыні 2130—2440 м.