Кубак Беларусі па футболе

Кубак Беларусі па футболе
Заснаваны:	1992
Кол-ць каманд:	52
Дзеючы чэмпіён:	Гомель (3-і тытул, сезон 2021/22)
Найбольш тытулаваны:	БАТЭ (5 тытулаў)
Бягучы сезон
Сезон 2022/23

Кубак Беларусі

Кубак Беларусі па футболе праводзіцца з 1992 года. Пераможца атрымлівае месца ў кваліфікацыйным раўндзе Лігі канферэнцый УЕФА (раней — у Лізе Еўропы УЕФА, Кубку кубкаў). Уладальнік Кубка перад пачаткам наступнага сезона гуляе з чэмпіёнам Беларусі ў матчы за Суперкубак Беларусі. Гэта другое па значнасці футбольнае спаборніцтва краіны пасля чэмпіянату Беларусі па футболе. Кубак Беларусі праводзіцца па схеме «восень-вясна»; стартуе, як правіла, у маі, а фінальная гульня адбываецца ў маі наступнага года.

Сістэма розыгрышу

Розыгрыш Кубка праводзіцца па сістэме з выбываннем. Аматарскія клубы ўступаюць у розыгрыш са стадыі 1-га кваліфікацыйнага раунда. Клубы Другой лігі пачынаюць са стадый 1-га і 2-га раўндаў. Клубы Першай лігі ўступаюць у барацьбу са стадый 2-га адборачнага раўнда або 1/16 фіналу, а Вышэйшай Лігі — толькі са стадыі 1/16 фіналу. На адборачных стадыях, 1/16 і 1/8 фіналу пераможцы пар вызначаюцца па выніках аднаго матча; у чвэрцьфіналах і фіналах праводзіцца па два матчы. У выпадку нічыйнага зыходу асноўнага часу матча прызначаюцца два дадатковыя таймы па 15 хвілін, калі і пасля іх пераможца не выяўлены — прабіваецца серыя пасляматчавых пенальці.

Фінальныя матчы Кубка да 2002 года праводзіліся ў Мінску. Першым несталічным стаў фінал розыгрышу 2001/02 гадоў, які прайшоў на віцебскім стадыёне «Дынама».

Фіналы

Розыгрыш	Пераможца	Фіналіст	Лік	Стадыён
1992	Дынама (Мінск)	Дняпро (Магілёў)	6:1	«Дынама», Мінск
1992/1993	Нёман (Гродна)	Ведрыч (Рэчыца)	2:1	«Дынама», Мінск
1993/1994	Дынама (Мінск)	Фандок (Бабруйск)	3:1	«Дынама», Мінск
1994/1995	Дынама-93 (Мінск)	Тарпеда (Магілёў)	1:1 (дад. час, 7-6 па пенальці)	«Дынама», Мінск
1995/1996	МПКЦ (Мазыр)	Дынама (Мінск)	4:1	«Дынама», Мінск
1996/1997	Белшына (Бабруйск)	Дынама-93 (Мінск)	2:0	«Дынама», Мінск
1997/1998	Лакаматыў-96 (Віцебск)	Дынама (Мінск)	2:1 (дад. час)	«Дынама», Мінск
1998/1999	Белшына (Бабруйск)	Славія (Мазыр)	1:1 (дад. час, 4-2 па пенальці)	«Дынама», Мінск
1999/2000	Славія (Мазыр)	Тарпеда-МАЗ (Мінск)	2:1	«Дынама», Мінск
2000/2001	Белшына (Бабруйск)	Славія (Мазыр)	1:0	«Дынама», Мінск
2001/2002	Гомель	БАТЭ (Барысаў)	2:0	«Дынама», Віцебск
2002/2003	Дынама (Мінск)	Лакаматыў (Мінск)	2:0	«Дынама», Мінск
2003/2004	Шахцёр (Салігорск)	Гомель	1:0 (дад. час)	«Дынама», Мінск
2004/2005	МТЗ-РІПА (Мінск)	БАТЭ (Барысаў)	2:1	«Дынама», Мінск
2005/2006	БАТЭ (Барысаў)	Шахцёр (Салігорск)	3:1 (дад. час)	«Дынама», Мінск
2006/2007	Дынама (Брэст)	БАТЭ (Барысаў)	0:0 (дад. час, 4-3 па пенальці)	«Дынама», Мінск
2007/2008	МТЗ-РІПА (Мінск)	Шахцёр (Салігорск)	2:1	«Дынама», Мінск
2008/2009	Нафтан (Наваполацк)	Шахцёр (Салігорск)	2:1 (дад. час)	«Дынама», Мінск
2009/2010	БАТЭ (Барысаў)	Тарпеда (Жодзіна)	5:0	«Дынама», Мінск
2010/2011	Гомель	Нёман (Гродна)	2:0	«Трактар», Мінск
2011/2012	Нафтан (Наваполацк)	Мінск	2:2 (дад. час, 4-3 па пенальці)	«Дынама», Мінск
2012/2013	Мінск	Дынама (Мінск)	1:1 (дад. час, 4-1 па пенальці)	«Тарпеда», Жодзіна
2013/2014	Шахцёр (Салігорск)	Нёман (Гродна)	1:0	«Барысаў-Арэна», Барысаў
2014/2015	БАТЭ (Барысаў)	Шахцёр (Салігорск)	4:1	«Цэнтральны», Гомель
2015/2016	Тарпеда-БелАЗ (Жодзіна)	БАТЭ (Барысаў)	0:0 (дад. час, 3-2 па пенальці)	ДАСК «Брэсцкі», Брэст
2016/2017	Дынама (Брэст)	Шахцёр (Салігорск)	1:1 (дад. час, 10-9 па пенальці)	«Нёман», Гродна
2017/2018	Дынама (Брэст)	БАТЭ (Барысаў)	3:2	«Спартак», Магілёў
2018/2019	Шахцёр (Салігорск)	Віцебск	2:0	ЦСК, Віцебск
2019/2020	БАТЭ (Барысаў)	Дынама (Брэст)	1:0 (дад. час)	«Дынама», Мінск
2020/2021	БАТЭ (Барысаў)	Іслач (Мінскі раён)	2:1	«Цэнтральны», Гомель
2021/2022	Гомель	БАТЭ (Барысаў)	2:1	«Дынама», Мінск

Спасылкі

• Кубак Беларусі на сайце БФФ (бел.)