Куляшоўка (Буда-Кашалёўскі раён)

Вёска Куляшоўка Краіна Беларусь Вобласць Гомельская Раён Буда-Кашалёўскі Сельсавет Кашалёўскі Каардынаты 52°44′34″ пн. ш. 30°39′30″ у. д. Першая згадка XIX стагоддзе Колькасць двароў 10 Насельніцтва 19 чалавек (2004) Часавы пояс UTC+3 Тэлефонны код +375 2336 Аўтамабільны код 3 СААТА 3205844041 Куляшоўка на карце Беларусі ±

Куляшо́ўка (трансліт.: Kuliašoŭka, руск.: Кулешовка) — вёска ў Буда-Кашалёўскім раёне Гомельскай вобласці. Уваходзіць у склад Кашалёўскага сельсавета.

Паблізу ёсць паклады гліны.

Геаграфія

Размяшчэнне

У 6 км на поўнач ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 54 км ад Гомеля.

Гідраграфія

На поўдні меліярацыйны канал.

Транспартная сетка

Транспартныя сувязі па прасёлкавай, затым аўтадарогах, якія адыходзяць ад Буда-Кашалёва. Планіроўка складаецца з кароткай просталінейнай вуліцы, арыентаванай з паўднёвага ўсходу на паўночны захад і забудаванай двухбакова драўлянымі дамамі сядзібнага тыпу.

Гісторыя

Заснавана ў другой палове XIX стагоддзя. Па перапісу 1897 года засценак Куляшоўка (ён жа Сялец); знаходзіліся хлебазапасны магазін, вятрак. У 1925 годзе ў Кашалёўскім сельсавеце Бабруйскай акругі. У 1930 годзе жыхары вёскі ўступілі ў калгас. Падчас Вялікай Айчыннай вайны ў кастрычніку 1943 года акупанты спалілі 14 двароў. У 1959 годзе ў складзе саўгаса імя П. Я. Галавачова (цэнтр — вёска Кашалёва).

Насельніцтва

Колькасць

• 2004 год — 10 гаспадарак, 19 жыхароў.

Дынаміка

• 1897 год — 12 двароў, 97 жыхароў (паводле перапісу).
• 1925 год — 18 двароў.
• 1940 год — 19 двароў.
• 1959 год — 147 жыхароў (паводле перапісу).
• 2004 год — 10 гаспадарак, 19 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх