Купідон (спадарожнік Урана)

Купідон
спадарожнік Урана

Гісторыя адкрыцця
Першаадкрывальнік	М. Шоўолтэр, Дж. Лісаўэр
Дата адкрыцця	25 жніўня 2003
Арбітальныя характарыстыкі
Вялікая паўвось	74 392 км
Эксцэнтрысітэт	0,0013
Перыяд абарачэння	0,618 д
Нахіл арбіты	0,1° (да экватара Урана)
Фізічныя характарыстыкі
Дыяметр	~18 км (адзнака)
Плошча паверхні	~1000 км² (адзнака)
Маса	~3,8×1015 кг (адзнака)
Шчыльнасць	~1,3 г/см³ (меркавана)
Паскарэнне свабоднага падзення	~0,0031 м/с² (адзнака)
Перыяд вярчэння вакол сваёй восі	сінхранізаваны
Альбеда	0,07 (меркавана)
Тэмпература паверхні	~64 К (адзнака)
Атмасфера	няма

Купідон (англ.: Cupid) — спадарожнік планеты Уран. Быў адкрыты 25 жніўня 2003 г. Маркам Шоўолтэрам і Джэкам Лісаўэрам з дапамогай касмічнага тэлескопа «Хабл». Услед за адкрыццём атрымаў часовае абазначэнне S/2003 U 2. Названы ад імя персанажа з п'есы Шэкспіра «Ціман Афінскі». Таксама пазначаецца як Уран XXVII.

Купідон з'яўляецца найменшым з вядомых блізкіх спадарожнікаў Урана, як мяркуецца, каля 18 км у дыяметры. Малы памер і цёмная паверхню робяць яго занадта цьмяным, з-за чаго ён не быў выяўлены «Вояджэрам-2» падчас яго праходжання каля Урана ў 1986 годзе.

Арбіта Купідона пралягае ўсяго толькі ў 863 км ад арбіты больш буйнога спадарожніка, Белінды. Цікава, што ў адрозненне ад Маб і Пердыты, арбіта Купідона, верагодна, не падпадае пад абурэнні.

Купідон належыць да групы Порцыі, якая таксама ўключае ў сябе Біянку, Крэсіду, Дэздэмону, Джульету, Порцыю, Разалінду, Белінду і Пердыту. У гэтых спадарожнікаў падобныя арбіты і фотаметрычныя ўласцівасці.

Спасылкі

• Hubble Uncovers Smallest Moons Yet Seen Around Uranus — Hubble Space Telescope news release (2003-09-25)
• Hubble Discovers Giant Rings and New Moons Encircling Uranus — Hubble Space Telescope news release (2005-12-22)