Курган Славы (мемарыяльны комплекс)

З пляцоўкі Вікіпедыя
Jump to navigation Jump to search
Мемарыяльны комплекс
Курган Славы
Курган Славы Савецкай Арміі — вызваліцельніцы Беларусі
The Mound of Glory.jpg
54°01′07″ пн. ш. 27°53′54″ у. д.HGЯO
Краіна Беларусь
Месцазнаходжанне Мінская вобласць
Аўтар праекта А. Бембель, А. Артымовіч, А. Стаховіч і Л. Міцкевіч, Б. Лапцэвіч

Курган Славы (Мінская вобласць)
Курган Славы
Курган Славы

Мемарыяльны комплекс «Курган Славы» — помнік у гонар подзвігу воінаў 1, 2, 3-га Беларускіх і 1-га Прыбалтыйскага франтоў у Беларускай аперацыі 1944, размешчаны ў Смалявіцкім раёне Мінскай вобласці, на 21-м км магістралі М2 Мінск — Нацыянальны аэрапорт «Мінск».

Перадгісторыя[правіць | правіць зыходнік]

Беларуская наступальная аперацыя «Баграціён» праводзілася сіламі франтавых злучэнняў пры ўдзеле партызан, пачалася 23 чэрвеня 1944 года і завяршылася 29 жніўня вызваленнем Беларусі, часткі Літвы і Польшчы. Менавіта на Смалявіччыне ў ліпені 1944 года ў акружэнне трапіла 105-тысячная групіроўка гітлераўцаў. Дадзеная падзея атрымала назву «Мінскі кацёл». Разгром гэтай групіроўкі завяршыўся 11 ліпеня і стаў яшчэ адным вырашальным крокам на шляху да вызвалення Беларусі.

У памяць аб гераізме савецкіх салдат і афіцэраў, а таксама ў гонар перамогі ў Вялікай Айчыннай вайне кіраўніцтва БССР 18 жніўня 1966 года прыняло пастанову аб збудаванні манументальна-скульптурнай кампазіцыі «Курган Славы». 30 верасня таго ж года на месцы, дзе зараз узвышаецца мемарыял, была закладзена памятная пліта і праведзены мітынг, у якім прынялі ўдзел не толькі мінчане, але і прадстаўнікі гарадоў-герояў. Удзельнікі мітынгу прынялі наказ наступным пакаленням шанаваць памяць мінулай вайны і быць патрыётамі сваёй Айчыны. Тэкст наказу быў замураваны ў спецыяльнай капсуле ў падмурку кургана. Збудаванне Кургана Славы пачалося ў лістападзе 1967 года. Тысячы людзей зрабілі ў яго свой уклад і прынеслі сюды купкі зямлі. Адкрыццё Кургана Славы адбылося 5 ліпеня 1969 года.

Апісанне мемарыяла[правіць | правіць зыходнік]

Агульная вышыня мемарыяла складае 70,6 м. Земляны ўзгорак вышынёй 35 м завяршае скульптурная кампазіцыя з чатырох штыкоў, аздобленых тытанам, вышынёй 35,6 м кожны. Штыкі сімвалізуюць 1-ы, 2-і, 3-і Беларускія і 1-ы Прыбалтыйскі франты, што вызвалялі Беларусь. Іх аснаванні злучае кольца з барэльефнымі выявамі савецкіх воінаў і партызан. На ўнутраным баку кальца, якое выканана ў тэхніцы мазаікі, адбіты тэкст: «Арміі Савецкай, Арміі-вызваліцельніцы — слава!» Акрамя таго, аснаванне абеліска ўпрыгожваюць выявы ордэнаў Айчыннай вайны і Славы. Ад падножжа кургана да манумента вядуць дзве бетонныя лесвіцы, кожная з якіх мае 241 прыступку.

Курган Славы з'яўляецца выдатным прыкладам новай беларускай мемарыяльнай пластыкі, якая перайшла ад фармалізму, уласцівага савецкаму пасляваеннаму мастацтву, да сімвалічных вобразаў, якія разам з тым маюць цесную сувязь з рэальным жыццём.

Курган Славы пад Мінскам парадзіў цэлую хвалю перайманняў сярод архітэктараў, якія стваралі ваенныя мемарыялы па ўсім СССР.

Аўтары[правіць | правіць зыходнік]

Мемарыял ствараўся аўтарскім калектывам у складзе народнага мастака, скульптара А. Бембеля, скульптара А. Арцімовіча, архітэктараў А. Стаховіча і Л. Міцкевіча, а таксама інжынера Б. Лапцэвіча.

Састаўныя часткі[правіць | правіць зыходнік]

  • Курган Славы: вышыня 35 метраў.
  • Абеліск — 4 стылізаваныя штыкі (1-ы, 2-гі, 3-ці Беларускія і 1-ы Прыбалтыйскі франты — удзельнікі вызвалення Беларусі); вышыня 35,6 м (ад вяршыні кургана).

Галерэя[правіць | правіць зыходнік]

Гл. таксама[правіць | правіць зыходнік]

Спасылкі[правіць | правіць зыходнік]