Курт Кофка

Курт Кофка
ням.: Kurt Koffka
Дата нараджэння	18 сакавіка 1886(1886-03-18)
Месца нараджэння	Берлін, Каралеўства Прусія, Германская імперыя
Дата смерці	22 лістапада 1941(1941-11-22)[…] (55 гадоў)
Месца смерці	Нортхемптан[d], Гэмпшыр, Масачусетс, ЗША
Грамадзянства	ЗША  Германскі рэйх
Род дзейнасці	псіхолаг, выкладчык універсітэта
Навуковая сфера	псіхалогія
Месца працы	Гісенскі ўніверсітэт Каледж Сміт[d]
Альма-матар	Каралеўская гімназія Вільгельма[d] Берлінскі ўніверсітэт імя Гумбальта Эдынбургскі ўніверсітэт
Член у	Амерыканская акадэмія мастацтваў і навук

Курт Кофка (ням.: Kurt Koffka; 18 сакавіка 1886, Берлін - 22 лістапада 1941, Нортхемптан) — нямецка-амерыканскі псіхолаг. Разам з Максам Вертхеймерам і Вольфгангам Кёлерам лічыцца адным з заснавальнікаў гештальтпсіхалогіі.

Біяграфія

Навучаўся ў Берлінскім універсітэце ў Карла Штумпфа, у 1909 годзе атрымаў ступень доктара філасофіі. Таксама на працягу 1 года навучаўся ў Эдынгбургскім універсітэце ў Шатландыі. Пасля заканчэння навучання працаваў ва Франкфурцкім універсітэце, у 1911 годзе стаў прыват-дацэнтам ў універсітэце горада Гісена, дзе разам з Кёлерам ўдзельнічаў у эксперыментах Вертхеймера, прысвечаных вывучэнню ўспрымання руху. У 1918 годзе - прафесар універсітэта, прапрацаваў у ім да 1924 года.

З 1924 гады наведваў розныя амерыканскія ўніверсітэты, быў прафесарам Корнельскага, Чыкагскага і Вісконсінскага ўніверсітэтаў. У 1927 годзе заняў пасаду прафесара каледжа Сміта ў Нортхемптан. З 1939 года - прафесар Оксфардскага ўніверсітэта.

Разам з Вертхеймерам і Кёлерам ў 1921 годзе заснаваў часопіс «Psychologische Forschung» (Псіхалагічнае даследаванне).

У працы "Асновы псіхічнага развіцця" (1921) ужыў метады гештальтпсіхалогіі для даследавання псіхічнага развіцця дзіцяці. Галоўная праца Кофкі - «Прынцыпы гештальтпсіхалогіі» (1935).

Літаратура

• БЭ ў 18 тамах. Т.8, Мн., 1999, С.438