Кіеўская муніцыпальная акадэмія музыкі імя Р. М. Гліера
| Кіеўская муніцыпальная акадэмія музыкі імя Р. М. Гліера | |
|---|---|
| Київська муніципальна академія музики імені Р. М. Глієра | |
 | |
| Арыгінальная назва | Київська муніципальна академія музики імені Р. М. Глієра |
| Міжнародная назва | R. Glier Kyiv Municipal Academy of Music |
| Заснаваны | 1868 |
| Тып | кансерваторыя |
| Рэктар | Аляксандр Іосіфавіч Злотнік |
| Рэктар | Oleksandr Zlotnyk[d] |
| Юрыдычны адрас | вул. Льва Талстога 31, 01032 г. Кіеў, Украіна |
| Сайт | glieracademy.org |
Кіеўская муніцыпальная акадэмія музыкі імя Р. М. Гліера — украінская дзяржаўная вышэйшая музычная навучальная ўстанова, якая размешчана ў горадзе Кіеве. З’яўляецца першай прафесійнай музычнай навучальнай установай Украіны.
Гісторыя[правіць | правіць зыходнік]
Навучальная ўстанова адкрыта 21 студзеня 1868 года пры кіеўскім аддзяленні Імператарскага рускага музычнага таварыства з мэтай падрыхтоўкі выканаўцаў для музычных калектываў і арганізацый горада — Кіеўскай оперы, аркестраў і інш. У гэты дзень быў асвечаны будынак школы і пачаліся заняткі.
Першая назва навучальнай установы — музычная школа, з 1883 года яна мае назву вучылішча. У першы год існавання ў вучылішчы навучалася 11 вучняў па пяці спецыяльнасцях: фартэпіяна, скрыпка, віяланчэль, спевы і тэорыя музыкі з абавязковым вывучэннем методыкі выкладання музыкі. Акрамя таго, у вучылішчы існаваў харавы клас, а з 1885 года — оперны клас. З часам адкрываюцца аддзелы духавых і народных інструментаў, з’яўляюцца класы ансамблей, сімфанічны аркестр. З 1885 года навучальная ўстанова лічыцца «вучылішчам поўнага профілю».
З самага пачатку дзейнасць вучылішча звязана з многімі імёнамі выдатных дзеячаў музычнай культуры: Антонам і Мікалаем Рубінштэйнамі, Пятром Чайкоўскім, Сяргеем Рахманінавым і іншыя, якія цікавіліся творчымі вынікамі, падтрымлівалі дасягненні вучылішча, давалі канцэрты для студэнтаў і выкладчыкаў. Да працы ў вучэльні ў розныя гады прыцягваліся піяністы Мікалай Лысенка, Уладзімір Пухальскі, Фелікс Блуменфельд, скрыпачы Іван Вадольські, Атакар Шаўчык, Міхаіл Эрдэнка, віяланчэлісты М. Палянічэўскі, Уладзіслаў Алаіз, Фрыдрых Мулерт, кампазітар Рэйнгольд Гліер, харавы дырыжор Георгі Вяроўка, а таксама Марк Геліс (народныя інструменты), Аляксандр Шапавал, Іосіф Шадэк (тэорыя музыкі), Марцін Пэтц, А. Вакер (вакал) і інш.
У 1913 годзе музычнае вучылішча было пераўтворана ў кансерваторыю і ўвайшло ў яе склад як малодшае і сярэдняе аддзялення. З 1928 года выходзіць са структуры кансерваторыі як самастойна сярэдняя прафесійная навучальная ўстанова. У 1956 годзе вучылішчу прысвоена імя Р. М. Гліера — выдатнага кампазітара, педагога, дырыжора, дырэктара Кіеўскай кансерваторыі ў 1914—1920 гадах, выпускніка вучылішча па класе скрыпкі.
Кіеўскае музычнае вучылішча з’яўляецца адным з арганізатараў конкурсу піяністаў памяці Уладзіміра Гаравіца, Міжнароднага фестывалю «Кіеўскія летнія музычныя вечары».
У 2008 годзе на базе Кіеўскага дзяржаўнага музычнага вучылішча быў створаны Кіеўскі інстытут музыкі імя Р. М. Гліера. У 2018 годзе ўстанова святкавала 150 гадоў з часу заснавання на дзяржаўным узроўні, што стала нагодай для чарговага перайменавання.
Структура[правіць | правіць зыходнік]
- Факультэт мастацтва спеваў і джаза
- Факультэт выканаўчага мастацтва і музыказнаўства
- Каледж
Кафедры[правіць | правіць зыходнік]
- Кафедра выканаўчых дысцыплін № 1
- Кафедра выканаўчых дысцыплін № 2
- Кафедра акадэмічных спеваў
- Кафедра эстрадных спеваў
- Кафедра тэорыі музыкі
- Кафедра гісторыі музыкі
- Кафедра джазавай музыкі
- Кафедра гуманітарных і музычна-інавацыйных дысцыплін
