Кікіны палаты

Славутасць
Кікіны палаты
59°56′59″ пн. ш. 30°23′12″ у. д.
Краіна	Расія
Месцазнаходжанне	Санкт-Пецярбург
Архітэктурны стыль	пятроўскае барока[d]
Першае згадванне	1714
Статус	Аб’ект культурнай спадчыны РФ № 7810690000
Медыяфайлы на Вікісховішчы

Кікіны палаты (руск.: Кикины палаты) — помнік архітэктуры пятроўскага барока, які знаходзіцца ў Санкт-Пецярбургу па адрасе Стаўрапольская вуліца, дом 9.

Гэта адзіны захаваны да нашага часу дом адмірала-дарадцы і аднаго з паплечнікаў Пятра I — Аляксандра Васілевіча Кікіна (Кікін меў таксама ўчастак у цэнтры горада, на месцы якога зараз размешчаны Зімні палац). Дом быў пабудаваны ў 1714—1720 гадах невядомым архітэктарам (меркавана Андрэасам Шлютэрам) недалёка ад Смалянога двара. У 1718 годзе Кікін быў пакараны за арганізацыю ўцёкаў з Расіі царэвіча Аляксея Пятровіча, а яго дом узяты ў казну.

У 1719—1727 гадах тут знаходзілася калекцыя пятроўскай кунсткамеры і асабістая бібліятэка Пятра I. У 1720-х гадах Кікіны палаты былі перабудаваны невядомым архітэктарам. З 1733 года тут размясціліся канцылярыя, лазарэт і царква лейб-гвардзейскага коннага палка.

У 1829 годзе будынак быў перабудаваны па праекце архітэктара Аляксандра Штаўберта, а дэкор у стылі барока знішчаны.

Падчас Ленінградскай блакады Кікіны палаты моцна пацярпелі ад артылерыйскіх абстрэлаў, але ў 1952—1956 гадах былі адноўлены ў меркаваным першапачатковым выглядзе архітэктарам Ірынай Бенуа. У цяперашні час у будынку размяшчаецца музычны ліцэй.

У сакавіку 2020 года пачалася маштабная рэстаўрацыя фасада палат.

Літаратура

• Ки́кины пала́ты // Санкт-Петербург. Петроград. Ленинград: Энциклопедический справочник (руск.) / Ред. коллегия: Белова Л. Н., Булдаков Г. Н., Дегтярев А. Я. и др.. — М.: Большая Российская Энциклопедия, 1992. — С. 261. — 687 с. — 80 000 экз. — ISBN 5-85270-037-1.