Кімчхон

Населены пункт
Кімчхон
кар.: 김천시
Сцяг
36°07′09″ пн. ш. 128°06′55″ у. д.
Краіна	Паўднёвая Карэя
Гісторыя і геаграфія
Заснаваны	1914
Насельніцтва
Насельніцтва	▼135 076 чал. (2025)
gc.go.kr/eng/main… (англ.) gc.go.kr (кар.) gc.go.kr/cha/main… (кіт.) gc.go.kr/jp/main.… (яп.)
Паказаць/схаваць карты
Кімчхон
Медыяфайлы на Вікісховішчы

Кімчхон (кар.: хангыль: 김천시; ханча: 金泉市) — горад у правінцыі Кёнсан-Пукта, Паўднёвая Карэя. Размешчаны на галоўнай магістралі краіны — аўтадарозе Сеул-Пусан.

Гісторыя

У эпоху Самхан на тэрыторыі сучаснага Кімчхона размяшчаліся племянныя саюзы пад назвай Камунгук і Чуджомагук, якія ў часы Трох дзяржаў былі аб’яднаны дзяржавай Сіла ў адзіную адміністрацыйную адзінку Камунджу, якая падчас Аб’яднанай Сілы была павышана ў статусе да павета і стала называцца Кэрэнгун (павет Кэрэн). Паступова разрастаючыся і ўбіраючы ў сябе суседнія паселішчы, Кэрэн праіснаваў да 1914 года, калі быў злучаны з навакольнымі тэрыторыямі, утварыўшы Кімчхонгун (павет Кімчхон). У 1949 годзе Кімчхон атрымаў статус горада (сі). З тых часоў горад перажываў невялікія адміністрацыйныя рэформы і мяняў свае межы (апошняе змяненне адбылося ў 2000 годзе).

Геаграфія

Кімчхон размешчаны ў заходняй частцы правінцыі Кёнсан-Пукта. На захадзе і поўдні мяжуе з правінцыямі Кёнсан-Намда і Чхунчхон-Пукто, на поўначы — з Санджу, на ўсходзе і паўднёвым усходзе з Кумі, а на паўднёвым захадзе — з Сонджу. Ландшафт пераважна горны. Праз горад праходзіць найбуйнейшая транспартная артэрыя краіны — аўтамагістраль Кёнбу, якая злучае Сеул і Пусан.

Турызм і славутасці

У Кімчхоне размешчаны шэраг гістарычных і культурных славутасцяў, асноўныя з якіх ўключаюць:

• Будыйскі манастыр Чыкчыса (V стагоддзе)
• Будыйскі манастыр Чхан’амса (IX стагоддзе)
• Свяцілішча Судоам (IX стагоддзе)
• Парк скульптур на рацэ Чыкчычхон

Гарады-пабрацімы

•  Чэнду, Кітай (7 лістапада 2000)

Сімвалы

• Кветка: сліва
• Птушка: шэрая чапля
• Дрэва: хвоя
• Маскот: вінаградзінкі Сэгомі і Тальгомі, персаніфікуюць галоўную галіну сельскай гаспадаркі павета — вырошчванне вінаграду.

Спасылкі

• Официальный сайт города (англ.). Архівавана з першакрыніцы 16 снежня 2006.
• Страница города в вики-энциклопедии Galbijim Архівавана 8 студзеня 2019. (англ.)