Кіраёва (Гарадоцкі раён)

Кіраёва
Краіна	Беларусь
Вобласць	Віцебская
Раён	Гарадоцкі
Сельсавет	Віраўлянскі
Каардынаты	55°37′00″ пн. ш. 29°49′20″ у. д.HGЯO
Насельніцтва	▼4 чал. (2009);
Часавы пояс	UTC+3
Тэлефонны код	+375 2139
Аўтамабільны код	2
СААТА	2218818031

Кіраёва^[1], таксама Кірэева^[2] (трансліт.: Kirajova, руск.: Киреёво) — вёска ў Гарадоцкім раёне Віцебскай вобласці. Уваходзіць у склад Віраўлянскага сельсавета. За 30 км на паўночны захад ад Гарадка, 16 км ад чыгуначнай станцыі Бычыха на лініі Віцебск — Невель, 66 км ад Віцебска. Рэльеф раўнінны. На поўначы і паўднёвым усходзе знаходзяцца лясныя масівы. У паўночна-заходнім напрамку ляжыць забалочаны ўчастак. Транспартныя сувязі па дарозе Віраўля — Гарадок, якая праходзіць паблізу ад вёскі.

Гісторыя[правіць | правіць зыходнік]

У 2-й палове 18 стагоддзя вёска ў Езярышчанскім старостве Гарадоцкага павета Полацкай губерні. У 1-й палове 19 стагоддзя вёска ў складзе фальварка Новая Віраўля дзяржаўнага маёнтка Езярышча Гарадоцкага павета Віцебскай губерні. У 1847 годзе было 6 дзесяцін сядзібнай зямлі, 40,5 — ворыва, 20 — сенажаці. З 2-й паловы 19 стагоддзя вёска ў Віраўлянскай воласці Гарадоцкага павета, у складзе Нова-Віраўлянскага сельскага таварыства. У 1905 годзе 104 дзесяціны зямлі. З 1920 года ў Віцебскім павеце. У сакавіку 1924 года вернута ў склад БССР. З 20 жніўня 1924 года ў Віраўлянскім сельсавеце Гарадоцкага раёна Віцебскай акругі (да 26 ліпеня 1930 года). З 12 лютага 1938 года ў Віцебскай вобласці. У Другую сусветную вайну з фронту не вярнуліся 6 жыхароў. З 18 сакавіка 1958 года ў Езярышчанскім раёне. З 25 снежня 1962 года ў Гарадоцкім раёне. У 1970 годзе ў калгасе «Віраўлянскі». У 2012 годзе ў складзе філіяла «Віраўлянскі» замежнага прыватнага сельскагаспадарчага вытворчага УП «Дзецкасельскі-Гарадок».

Насельніцтва[правіць | правіць зыходнік]

7 двароў, 61 рэвізская душа (1785)
58 рэвізскіх душ (1795)
34 рэвізскія душы (1839)
6 двароў, 36 душ (1847)
10 двароў, 81 жыхар (1905)
10 двароў, 63 жыхары (1926)
45 жыхароў (1959)
47 жыхароў (1970)
4 гаспадаркі, 4 жыхары (2000)
2 гаспадаркі, 2 жыхары (2018)

Зноскі

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).. Сустракаецца таксама варыянт Кірэ́ева
↑ Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Літаратура[правіць | правіць зыходнік]

Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі[правіць | правіць зыходнік]

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).. Сустракаецца таксама варыянт Кірэ́ева

[2] Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

[1]

[2]