Кірыл Паўлавіч Шылка

Кірыл Паўлавіч Шылка
Кірыл Паўлавіч Шылка
Дата нараджэння	1922
Месца нараджэння	Крошкі, Даўгапольскі сельсавет, Гарадоцкі раён, Беларусь;
Дата смерці	1978
Род дзейнасці	гісторык
Месца працы	Віцебскі абласны камітэт КПБ; БелІІЧТ; МДУ імя А. А. Куляшова;
Навуковая ступень	кандыдат гістарычных навук (1953)
Навуковае званне	дацэнт (1955);
Альма-матар	Віцебскае Беларускае педагагічнае вучылішча[d] (1940); гістарычны факультэт БДПУ імя М. Танка (1949); Акадэмія грамадскіх навук пры ЦК КПСС[d] (1953);
Узнагароды	Грамата Прэзідыума Вярхоўнага Савета БССР Ганаровая грамата МінВНУ БССР[d]

Кірыл Паўлавіч Шылка (1922, в. Крошкі, Гарадоцкі раён, Віцебская вобласць — 1978) — беларускі савецкі гісторык. Кандыдат гістарычных навук (1953), дацэнт (1955). Удзельнік Вялікай Айчыннай вайны.

Біяграфія[правіць | правіць зыходнік]

Нарадзіўся ў сялянскай сям’і. Пасля заканчэння Гарадоцкай сямігадовай школы вучыўся ў Віцебскім педагагічным вучылішчы (1937—1940). Да пачатку Вялікай Айчыннай вайны працаваў настаўнікам гісторыі Тухінскай няпоўнай сярэдняй школы Дубровенскага раёна Віцебскай вобласці.

У гады Вялікай Айчыннай вайны ваяваў на Ленінградскім, Калінінскім, Заходнім, ІІІ Беларускім і І Далёкаўсходнім франтах.

У 1946—1949 гадах вучыўся на гістарычным факультэце Мінскага педагагічнага інстытута імя М. Горкага. У 1948—1950 гадах працаваў інструктарам і лектарам Віцебскага АК КП(б)Б. З 1950 па 1953 гады вучыўся ў аспірантуры Акадэміі грамадскіх навук пры ЦК КПСС. У 1953 годзе абараніў кандыдацкую дысертацыю, а ў 1956 годзе быў зацверджаны ў званні дацэнта па кафедры марксізму-ленінізму Беларускага інстытута інжынераў чыгуначнага транспарту (г. Гомель).

У Магілёўскім педагагічным інстытуце працаваў з 1961 па 1978 гады на пасадзе загадчыка кафедры марксізму-ленінізму, а затым дацэнта кафедры гісторыі КПСС і навуковага камунізму. Чытаў лекцыйны курс і праводзіў семінарскія заняткі па гісторыі КПСС і палітычнай гісторыі ХХ стагоддзя.

Памёр у 1978 годзе.

Навуковая дзейнасць[правіць | правіць зыходнік]

Аўтар шматлікіх публікацый: артыкулаў, тэзісаў, метадычных дапаможнікаў. У 1976 годзе падрыхтаваў доктарскую дысертацыю («Ідэалагічная праца Камуністычнай партыі ў першыя гады Савецкай улады (кастрычнік 1917 — сакавік 1919 г.)») і апублікаваў манаграфію па тэме дысертацыйнага даследавання.