Кішынёўскае маршрутнае таксі
Кішынёўскае маршрутнае таксі — сістэма гарадскога грамадскага транспарту Кішынёва, якая ахапляе ўсе гарадскія раёны і злучае горад з блізкімі прыгарадамі і гарадскім аэрапортам.
Гісторыя[правіць | правіць зыходнік]
Савецкі час[правіць | правіць зыходнік]
У 1968 годзе ў Кішынёве быў уведзены новы від гарадскога грамадскага транспарту — маршрутнае таксі. Адкрылася першая лінія, што звязала цэнтр горада з раёнам Скінааса (Тэлецэнтр). У якасці рухомага састава выкарыстоўваліся мікрааўтобусы РАФ-977[1].
У 1972 годзе ў горадзе курсірвалі 6 маршрутаў маршрутнага таксі, што злучалі розныя раёны горада.
Маршрутныя таксі спыняліся па патрабаванні пасажыраў на аўтобусных прыпынках, якія сустракаліся па шляху маршрутных таксі[2]. У 1980-я гады колькасць маршрутаў узрасла да 17 (1982 год), у 1984 годзе быў дададзены маршрут № 18. Маршруты пачыналіся ад Балгарскай вуліцы[1], ад таго месца, дзе ў 1970 годзе была пабудавана цэнтральная дыспетчарская таксаматорнага парка (на скрыжаванні вуліц Балгарскай і 31 жніўня 1989)[3]. На лініях працавалі 11-месныя мікрааўтобусы РАФ-2203 «Латвія». Агульная працягласць усіх маршрутаў маршрутнага таксі ў 1980-х гадах складала 273,5 кіламетра[1].
У незалежнай Малдове[правіць | правіць зыходнік]
Пасля ўсталявання незалежнасці Рэспублікі Малдова маршрутнае таксі атрымала сур’ёзнае развіццё. Канчатковы прыпынак на Балгарскай вуліцы быў ліквідаваны. На зноў адкрываныя лініі, галоўным чынам, дублюючыя гарадскія тралейбусныя і аўтобусныя маршруты, выходзілі як мікрааўтобусы Раф, поўнапамерныя аўтобусы, так і аўтамабілі, не прызначаныя для перавозак пасажыраў (у прыватнасці, катафалкі). Маршрутнае таксі горада атрымала жартаўлівую мянушку «Хадзячы катафалк»[4].
Зноскі
- ↑ а б в Кишинёв. Энциклопедия (Кишинёв, Главная редакция Молдавской Советской Энциклопедии, 1984)
- ↑ Справочник «Кишинёв», издание 1972 года
- ↑ Газета «Вечерний Кишинев», номер за 9 октября 1970 года
- ↑ В Молдове обнаружен опасный вирус маразма! // Сайт «Новости политических партий России и стран СНГ»
Спасылкі[правіць | правіць зыходнік]
- Nomer MD — Сайт пра таксі Кішынёва Архівавана 16 ліпеня 2011.