Лантау

З пляцоўкі Вікіпедыя
Jump to navigation Jump to search

Лантау
англ. Lantau
22°16′14″ пн. ш. 113°57′10″ у. д.HGЯO
КраінаFlag of the People's Republic of China.svg Кітай
РэгіёнГанконг
РаёныЧхюньвань , Айлендс
Лантау (Кітай)
Лантау
Лантау
Плошча147,16 км²
Найвышэйшы пункт934 м
Карта вострава
Карта вострава
Commons-logo.svg Лантау на Вікісховішчы

Лантау (таксама Ланьтхау; кіт.: 大嶼山) — найбольшы востраў раёна Ганконг (амаль у 2 разы большы за востраў Ганконг[1]).

Прырода[правіць | правіць зыходнік]

Знаходзіцца ў вусці ракі Чжуцзян, у 2 кіламетрах ад вострава Ганконг. На тэрыторыі Лантау знаходзяцца другі been (найвышэйшая кропка вострава) і трэці been па вышыні пікі Ганконга. Адно з найбольшых вадасховішчаў Ганконга знаходзіцца на Лантау[1].

На Лантау, як і ва ўсім раёне Ганконг, бываюць тайфуны.

Для абароны папуляцыі кітайскіх белых дэльфінаў плануецца стварыць марскую ахоўную тэрыторыю побач з востравам Лантау[2].

Транспарт[правіць | правіць зыходнік]

На Лантау знаходзіцца міжнародны аэрапорт Ганконг. З востравам Ганконг аэрапорт звязвае мост Сінг-Ма (Цынма) і лінія ганконгскага метро.

Таксама на Лантау ёсць канатная дарога, якая належыць ганконгскаму метрапалітэну.

Унутраныя аўтобусныя рэйсы здзяйсняюцца кампаніяй en:New Lantao Bus.

На Лантау ёсць таксі. Яны пафарбаваныя ў блакітны колер, у адрозненне ад таксі іншых Новых Тэрыторый (зялёны колер) і гарадскіх таксі (чырвоны колер)[3].

Адметныя мясціны[правіць | правіць зыходнік]

На Лантау налічваецца каля 15 храмаў. Ёсць вядомы будысцкі манастыр По Лін, побач з якім размешчана гіганцкая бронзавая статуя Буды, якую ў ясны дзень можна бачыць нават з Макаа, за 60 км ад вострава.

У першай палове XIX стагоддзя на Лантау для абароны ад піратаў быў збудаваны форт, які займаў выгаднае стратэгічнае становішча. Пасля яго захопу брытанцамі ў 1898 годзе форт ужо не выкарыстоўваўся для вайсковых патрэб.

На востраве ёсць некалькі традыцыйных рыбацкіх селішчаў народа танка. Гэтыя селішчы ўзводзяцца на сваях. Буйнейшая з такіх вёсак на Лантау — Тай-О.

На Лантау знаходзіцца ганконгскі дыснейлэнд[4], да якога пракладзена лінія метро.

Адміністрацыйны падзел[правіць | правіць зыходнік]

Востраў Лантау адносіцца да Новых Тэрыторый.

Далейшае развіццё вострава Лантау[правіць | правіць зыходнік]

У 2016 годзе ганконгскія ўлады анансавалі грандыёзны праект развіцця Лантау, які ўключаў, сярод іншага, асушэнне прыбярэжных вод і будаўніцтва на гэтых тэрыторыях, пашырэнне дыснейлэнда, стварэнне турыстычных зон, развіццё транспартных сувязей, стварэнне штучных астравоў. Гэты праект быў раскрытыкаваны эколагамі: па іх думцы, Лантау трэба захаваць у першапачатковым выглядзе, каб зберагчы яго прыроду[4][5].

У студзені 2016 галоўны міністр Ганконга аб’явіў, што будзе створаны адмысловы офіс па развіцці вострава Лантау[6].

Зноскі

  1. 1,0 1,1 Hong Kong Geographic Data (англ.) . Урад Ганконга, зямельны дэпартамент (студзень 2018). Праверана 28 лістапада 2018.
  2. Southwest Lantau Marine Park and Soko Islands Marine Park (англ.) . Урад Ганконга (1 верасня 2014). Праверана 28 лістапада 2018.
  3. Taxis (англ.) . Урад Ганконга, транспартны дэпартамент. Праверана 28 лістапада 2018.
  4. 4,0 4,1 Disneyland expansion part of massive Lantau land reclamation project to house 700,000 more by 2030 (англ.) , South China Morning Post (2015-01-11). Праверана 28 лістапада 2018.
  5. Lantau panel suggestions spark worries about ecological impact (англ.) , Hong Kong Economic Journal (2015-01-11). Праверана 28 лістапада 2018.
  6. Lantau dev't office to be formed (англ.) . Урад Ганконга (13 студзеня 2016). Праверана 28 лістапада 2018.

Спасылкі[правіць | правіць зыходнік]

  • Артыкул на сайце энцыклапедыі Кірыла і Мяфодзія