Лапуаскі рух

Лапуаскі рух
Дата заснавання	1929
Дата роспуску	1932
Тып	грамадскі рух, экстрэмісцкі рух[d] і палітычная арганізацыя[d]
Лідар	Віхтары Косала
Краіна	Фінляндыя

Лапуаскі рух — антыкамуністычны рух у міжваеннай Фінляндыі.

Створаны ўвосені 1929 года і ўзначалены астрабатнійскім селянінам Віхтары Косала. На думку прыхільнікаў руху, дзяржава рабіла недастаткова рашучыя крокі для змагання з камуністычнай прапагандай. Лапуасцы ладзілі дэманстрацыі і гвалтоўна вывозілі вядомых камуністаў да савецкай мяжы.

У ліпені 1930 года лапуасцы здзейснілі 12-тысячны паход на сталіцу, што прывяло да змены ўрада і забароны грамадскай камуністычнай дзейнасці ў краіне.

У канцы зімы 1932 года прадстаўнікамі руху была здзейснена няўдалая спроба дзяржаўнага перавароту. Гэта прывяло да судовага пераследавання арганізатараў, а сам рух быў трансфармаваны ў праварадыкальную партыю. На парламенцкіх выбарах 1930-х гадоў створаная лапуасцамі партыя набірала не больш за 7 % галасоў.

Літаратура

• Хенрык Мейнандэр. Гісторыя Фінляндыі: Лініі, структуры, пераломныя моманты (пераклад Вольгі Рызмаковай). — Мінск: Мастацкая літаратура, 2017. — ISBN 978-985-02-1748-6.