Ларыса Сямёнаўна Латыніна

Ларыса Латыніна
руск.: Лариса Семёновна Латынина
Агульная інфармацыя
Пол	жанчына
Імя пры нараджэнні	укр.: Лариса Семенівна Дирій
Спецыялізацыя	спартыўная гімнастыка
Нарадзілася	27 снежня 1934(1934-12-27) (89 гадоў) Херсон, Украінская ССР
Грамадзянства
Рост	161 см
Вага	52 кг
Узнагароды і медалі Алімпійскія ўзнагароды Спартыўная гімнастыка (жанчыны) Золата Мельбурн 1956 Каманднае першынство Золата Мельбурн 1956 Абсалютнае першынство Золата Мельбурн 1956 Вольныя практыкаванні Золата Мельбурн 1956 Апорны скачок Серабро Мельбурн 1956 Брусы Бронза Мельбурн 1956 Камандныя практыкаванні з прадметам Золата Рым 1960 Каманднае першынство Золата Рым 1960 Абсалютнае першынство Золата Рым 1960 Вольныя практыкаванні Серабро Рым 1960 Брусы Серабро Рым 1960 Бервяно Бронза Рым 1960 Апорны скачок Золата Токіа 1964 Каманднае першынство Золата Токіа 1964 Вольныя практыкаванні Серабро Токіа 1964 Абсалютнае першынство Серабро Токіа 1964 Апорны скачок Бронза Токіа 1964 Брусы Бронза Токіа 1964 Бервяно Дзяржаўныя ўзнагароды Ордэн «За заслугі перад Айчынай» IV ступені Медаль «Ветэран працы» Сярэбраны Алімпійскі ордэн Заслужаны майстар спорту СССР
Медыяфайлы на Вікісховішчы

Ларыса Сямёнаўна Латы́ніна (27 снежня 1934, г. Херсон, Украіна) — украінская спартсменка (спартыўная гімнастыка). Заслужаны майстар спорту СССР (1956), заслужаны трэнер СССР (1972), суддзя міжнароднай катэгорыі (1968).

Скончыла Кіеўскі інстытут фізічнай культуры (1959). Старшы трэнер жаночай зборнай каманды СССР (1966—77), дзяржтрэнер Маскоўскага спарткамітэта (1980—90).

Уладальніца 18 медалёў Алімпійскіх гульняў, 9-разовая чэмпіёнка XVI, XVII і XVIII Алімпійскіх гульняў (1956, г. Мельбурн, Аўстралія — у асабістым і камандным першынствах, апорных скачках, вольных практыкаваннях; 1960, Рым — у асабістым і камандным першынствах, вольных практыкаваннях; 1964, Токіа — у камандным першынстве і вольных практыкаваннях). Абсалютная чэмпіёнка свету (1958, 1962), Еўропы (1957, 1961), СССР (1961—62). Да 2012 з’яўлялася ўладальніцай найбольшай колькасці медалёў у гісторыі сучасных Алімпійскіх гульняў (яе рэкорд перакрыў амерыканскі плывец Майкл Фелпс).

Аўтар успамінаў «Гімнастыка праз гады» (1977).

Літаратура

• Латыніна // БЭ ў 18 т. Т. 9. — Мн., 1999.

Спасылкі

• На Вікісховішчы ёсць медыяфайлы па тэме Ларыса Сямёнаўна Латыніна
• Вялікі Энцыклапедычны слоўнік
• Ларыса Латыніна — алімпійская статыстыка на сайце Sports-Reference.com (англ.)