Ласла Пап

Алімпійскія ўзнагароды
Ласла Пап (справа) у 1955 годзе
Бокс
Золата	Лондан 1948	Да 74 кг
Золата	Хельсінкі 1952	Да 71 кг
Золата	Мельбурн 1956	Да 71 кг

Спартыўныя ўзнагароды
Чэмпіянаты Еўропы па боксе
Золата	Осла 1949	да 74 кг
Золата	Мілан 1951	да 71 кг

Ласла Пап (венг.: Papp László; 25 сакавіка 1926, Будапешт, Венгрыя — 16 кастрычніка 2003, там жа) — выбітны венгерскі баксёр, першы ў гісторыі бокса трохразовы алімпійскі чэмпіён.

• Адзін з трох трохразовых алімпійскіх чэмпіёнаў па боксе (акрамя Папа — кубінцы Тэафіла Стывенсан і Фелікс Савон).
• 6 з 13 сваіх алімпійскіх баёў завяршыў накаўтам.
• Двухразовы чэмпіён Еўропы па боксе (1949 і 1951).
• Стаў прафесіяналам ў 1957 годзе, не прайграў ніводнага бою на прафесійным рынгу, атрымаўшы 27 перамог (15 накаўтам) пры 2 нічыіх.
• Скончыў кар'еру ў 1964 годзе ў сувязі з тым, што ўлады Венгрыі адмовілі яму ў выездзе з краіны.
• Трэнер нацыянальнай зборнай Венгрыі па боксе ў 1971—1992 гадах.
• У 2001 годзе быў абраны ў Міжнародную залу славы бокса.

Літаратура

• БЭ ў 18 тамах. Т.12, Мн.,2001, С.60

Спасылкі

• Ласла Пап — алімпійская статыстыка на сайце Sports-Reference.com (англ.)
• Ласла Пап на сайце МАК (англ.)