Гэты артыкул выстаўлены на рэцэнзію

Ла-Ла Лэнд

З пляцоўкі Вікіпедыя
(Пасля перасылкі з Ла-Ла Ленд)
Перайсці да: рух, знайсці
Ла-Ла Лэнд
англ.: La La Land
Постар фільма
Жанр

фільм пра каханне[d], камедыйная драма[d], кінакамедыя[d], музычны фільм[d] і фільм-драма[d]

Рэжысёр

Дэм’ен Шазэл[5]

Прадзюсар

Гары Гілберт[d]
Марк Плат[d]
Джордан Хоравіц[d]
Фрэд Бергер[d]

Аўтар
сцэнарыя

Дэм’ен Шазэл

У галоўных
ролях

Раян Гослінг
Эма Стоўн
Дж. К. Сіманс

Аператар

Лінус Сандгрэн[d][6]

Кампазітар

Джасцін Гурвіц[d][6]

Харэограф

Мэндзі Мур[d]

Кінакампанія

Lions Gate Entertainment[d] і Summit Entertainment[d]

Працягласць

128 мин[7]

Бюджэт

30 млн $[1]

Зборы

445 961 105 $[2]

Краіна

Flag of the United States.svg ЗША

Мова

англійская мова

Год

12 студзеня 2017[3], 7 снежня 2016, 9 снежня 2016, 25 студзеня 2017, 23 лютага 2017 і 12 студзеня 2017[4]

IMDb

ID 3783958

Афіцыйны сайт

«Ла-Ла Лэнд» (англ.: La La Land) — амерыканскі драматычны фільм-мюзікл, зняты Дэм’енам Шазэлам. У галоўных ролях — Раян Гослінг і Эма Стоўн. Атрымаў высокую ацэнку крытыкаў і лічыцца адным з лепшых фільмаў 2016 года.

Сюжэт фільма расказвае пра закаханых, пачынаючую актрысу і музыканта з Лос-Анджэлеса. Назва фільма ставіцца як да горада Лос-Анджэлеса, гэтак і з’яўляецца ідыяматычным выразам, што азначае «сыход ад жорсткай рэальнасці ў краіну мрояў і фантазій»[8].

Шазэл напісаў сцэнарый фільма ў 2010 годзе, але на той момант ніводная студыя не была гатова інвеставаць у мюзікл з-за таго, што рэжысёр адмаўляўся ўносіць змены ў сюжэт. Пасля поспеху кінастужкі Шазэла «Апантанасць(руск.) бел.» кінастудыя Summit Entertainment(англ.) бел. пагадзілася фінансаваць фільм. Прэм’ера фільма «Ла-Ла Лэнд» адбылася 31 жніўня 2016 года на 73-м Венецыянскім кінафестывалі(англ.) бел., а ў амерыканскі кінапракат фільм выйшаў 9 снежня таго ж года. Пры бюджэце ў 30 мільёнаў долараў[1], у сусветным пракаце фільм сабраў больш 445 мільёнаў долараў[2].

Крытыкі высока ацанілі сцэнарый і рэжысуру Шазэла, ігру Гослінга і Стоўн, а таксама саўндтрэк фільма, напісаны кампазітарам Джасцінам Гурвіцам(руск.) бел.. Фільм здабыў перамогу ў сямі намінацыях на 74-й цырымоніі прэміі «Залаты глобус(руск.) бел.», а таксама атрымаў 11 намінацый на прэмію BAFTA(руск.) бел., у 5 з якіх перамог. «Ла-Ла Лэнд» таксама быў высунуты ў 14 намінацыях на 89-й цырымоніі ўручэння ўзнагарод «Оскар», усталяваўшы рэкорд па колькасці намінацый з фільмамі «Усё пра Еву(англ.) бел.» і «Тытанік».


Сюжэт[правіць | правіць зыходнік]

Слоган фільма: «Адважным летуценнікам прысвячаецца…» (англ.: Here's to the fools who dream)[9]

У заторы на дарогах Лос-Анджэлеса мы знаёмімся з Міяй, маладой актрысай, якая падзарабляе барыста(руск.) бел. побач з кінастудыяй. У тым заторы яна сутыкаецца з Себасцьянам, джазавым піяністам («Another Day of Sun»(англ.) бел.). Праслухоўванне Міі ў чарговы раз правальваецца. У гэты ж час Себасцьян мае праблемы з аплатай рахункаў, што прыводзіць да яго сваркі з сястрой Лорай перад наступным выступленнем у рэстаране. У тую ноч тры суседкі Міі, спрабуючы яе развесяліць, запрашаюць яе на вечарынку ў Галівуд-Хілс(англ.) бел. («Someone in the Crowd»). Машыну Міі павезлі на эвакуатары, і яна вырашае вярнуцца ў кватэру пешшу.

Себасцьян угаворвае Біла, уладальніка рэстарана, ізноў узяць яго на працу ў якасці піяніста. Той згаджаецца, але забараняе музыканту выконваць джаз. Іграючы простыя варыяцыі Калядных песень, Себасцьян бачыць, што госці ўстановы не слухаюць яго, і пачынае імправізаваць. Ён выконвае дзіўнае сола, якое чуе Мія, якая праходзіць міма ўстановы («Mia and Sebastian’s Theme»). Паражоная прыгажосцю музыкі, Мія заходзіць у рэстаран і бачыць, як Себасцьяна звальняюць за вольнасць. Калі ён сыходзіць, Мія спрабуе яго пахваліць, але ён чапляе яе плячом і праходзіць міма.

Месяц праз Мія прыходзіць на іншую вечарынку і зноў сустракае там Себасцьяна, які іграе на піяніна ў поп-кавер гурце 1980-х гадоў. Яна гарэзліва раздражняе яго, папрасіўшы музыкантаў сыграць «I Ran (So Far Away)»(англ.) бел. (вельмі простая клавішная партыя, якую Себасцьян дакладна расцэньвае як насмешку). Пасля вечарынкі яны разам шпацыруюць, наракаючы на кампанію адзін аднаго, нягледзячы на відавочную «хімію» паміж імі («A Lovely Night»).

Пазней Себасцьян наведвае Мію ў кавярні. У яе перапынак ён запрашае Мію ў джаз-клуб, тлумачачы сваю любоў да джаза і жаданне адкрыць уласны клуб. Яго страсць узмацняе і захопленасць Міі акцёрствам. Пасля канцэрту ў клубе Себасцьян кідае фразу «I got the bullets», якая з’яўляецца адсылкай да фільма «Бунтар без прычыны» («City of Stars(англ.) бел.»). Мія збянтэжана ўсміхаецца, і ён разумее, што яна не бачыла гэтага фільма. Себасцьян запрашае Мію ў кіно ў наступны панядзелак. Але ў вечар спаткання да Міі прыходзіць яе бойфрэнд Грэг, з якім у яе вячэра ў рэстаране. Мія неахвотна ідзе на падвойнае спатканне з Грэгам і яго братам. Яна пачувае сябе вельмі няўтульна. Раптам пачынае іграць мелодыя, якую раней выканаў Себасцьян у рэстаране Біла. Мія натхняецца і бяжыць у кінатэатр, дзе знаходзіць Себасцьяна, калі фільм толькі пачынаецца. Яны збіраюцца пацалавацца, але фільм раптам абрываецца, і абодва збянтэжана адхіляюцца. Мія і Себасцьян наведваюць абсерваторыю Грыфіта(руск.) бел., дзе зачаравана танчаць адзін з адным («Planetarium»).

Мія пасля некалькіх няўдалых кастынгаў вырашае напісаць свой сцэнарый па прапанове Себасцьяна. Себасцьян ўладкаваўся на працу піяністам у джазавым бары («Summer Montage»). Ён сустракае былога аднакласніка Кіта, які прапануе пастаянную крыніцу даходу. Себасцьян згаджаецца, паколькі жадае назбіраць грошай на свой уласны джаз-клуб, хоць і трывожыцца, калі разумее, што гурт гэта больш арыентаваны на поп-стыль. Мія наведвае адзін з іх канцэртаў і разумее («Start a Fire»), што Себасцьян ніколі не зможа атрымліваць задавальненне ад ігры ў гэтым гурце. Замест таго, каб падтрымаць каханага, Мія лаецца з ім, паколькі ён (паводле яе меркавання) здрадзіў сваёй мары. Себасцьян папракае Мію, што менавіта гэтага (заробку) яна і хацела ад яго. Ён таксама крытыкуе яе за тое, што падабаўся ёй толькі калі не меў поспеху. Мія пакідае ад яго.

Першае выступленне (спектакль аднаго акцёра) Міі Себасцьян прапускае з-за фотасесіі з гурце, пра якую ён забыўся. Пасля заканчэння спектакля, Мія бачыць напаўпустую залу, а, знаходзячыся за кулісамі, чуе негатыўныя водгукі гледачоў. Спустошаная, яна едзе да сваіх бацькоў у Боўлдэр-Сіці, штат Невада(англ.) бел.. Себасцьян атрымлівае званок ад кастынг-дырэктара, які прысутнічаў на выступленні Міі. Гэты дырэктар запрашае яе прайсці кінапробы на наступную раніцу. Себасцьян едзе да Міі і ўгаворвае яе вярнуцца ў Галівуд для праслухоўвання. Спачатку яна не верыць у гэту задуму, але на наступную раніцу натхнёна едзе з Себасцьянам у студыю. У адрозненне ад мінулага праслухоўвання, Мія проста распавядае гісторыю. Яна пачынае гаварыць, а затым спяваць пра сваю безжурботную цётку, якая жыла ў Парыжы (дзе і плануюцца здымкі) і якая натхніла яе стаць актрысай («Audition (The Fools Who Dream)(англ.) бел.»). Пасля праслухоўвання яны з Себасцьянам ідуць у абсерваторыю Грыфіт з упэўненасцю, што яно было паспяховым, і ён гаворыць, што яна павінна цалкам прысвяціць сябе гэтай магчымасці. Прызнаючы несумяшчальнасць сваіх летуценняў, яны абяцаюць, што будуць кахаць адзін аднаго вечна.

Праходзіць пяць гадоў, Мія — паспяховая актрыса, замужам за іншым мужчынам, ад якога ў яе ёсць дачка. Аднойчы ўвечар яе муж заўважае джазавы бар і прапануе зайсці. Мія, заўважыўшы прыдуманы ёю лагатып «Seb’s» (англ.: У Себа), разумее, што гэта клуб Себасцьяна. Ён пазнае яе ў натоўпе і пачынае іграць «іх» песню. Пакуль ён іграе, нам паказваюць, як бы ўсё магло скласціся, калі б Себасцьян не нагрубіяніў Міі ў той самы першы вечар іх знаёмства, калі б яны дагэтуль былі разам («Epilogue»). Песня сканчаецца, Мія сядзіць побач з мужам. Перад адыходам Мія з Себасцьянам абменьваюцца доўгімі поглядамі, поўнымі суму, а затым яны ўсміхаюцца адзін аднаму.

Акцёры і ролі[правіць | правіць зыходнік]

Гісторыя стварэння[правіць | правіць зыходнік]

Пачатак вытворчасці[правіць | правіць зыходнік]

Быўшы барабаншчыкам, Дэм'ен Шазэл мае схільнасць да фільмаў пра музыку. Ён напісаў сцэнарый фільма «Ла-Ла Лэнд» у 2010 годзе, калі па яго думцы, кінаіндустрыя здавалася недасягальнай для яго. Яго ідэя палягала ў тым, каб «узяць стары мюзікл, змяніўшы яго на сучасны матыў, дзе ўсё не заўсёды дакладна працуе» і аддаць гонар творчым людзям, хто адпраўляецца ў Лос-Анджэлес у пагоне за марай. Ён задумаў фільм, калі быў студэнтам Гарвардскага ўніверсітэта, разам са сваім аднакласнікам, Джасцінам Гурвіцам. Удвух яны раскрылі гэту тэму ў выпускной працы, малабюджэтным мюзікле пра бостанскага джазавага музыканта, Guy and Madeline on a Park Bench. Шазэл зняў яго ў стылі гарадскіх сімфанічных фільмаў 1920-х гадоў, як Манхата (1921) і Чалавек з кінаапаратам (1929), каб аддаць даніну павагі гарадам. Пасля выпуску абодва пераехалі ў Лос-Анджэлес у 2010 і працягнулі пісаць сцэнарый, але зрабілі некалькі невялікіх змен. Так месцам дзеяння замест Бостана стаў Лос-Анджэлес

Лос-Анджэлес больш, чым любы іншы амерыканскі горад, хавае, часам грэбуе сваёй гісторыяй. Але таксама гэта можа быць яго магічная іста, таму што гэта горад, што выяўляе сябе паступова, як лук, калі вы выдаткуеце час на яго вывучэнне.

Замест таго, каб параўнаць Лос-Анджэлес з чарамі Парыжа ці Сан-Францыска, ён засяродзіўся на адметных якасцях горада: трафіку, нязграбнасці і небе. Стыль і тон фільма былі натхнёныя карцінамі Жака Дэмі «Шэрбурскія парасоны»(англ.) бел. і «Дзяўчыны з Рашфора»(англ.) бел., асабліва апошнім, які быў больш танцавальным і арыентаваным на джаз. Фільм напоўнены візуальнымі адпраўкамі да такой галівудскай класікі, як «Брадвейская мелодыя 40-х»(руск.) бел., «Спяваючыя пад дажджом»(англ.) бел. і «Тэатральны фургон»(англ.) бел.. Ён падобен у развіцці персанажаў і тэмы з папярэднім фільмам Шазэла, «Апантанасцю». Шазэл сказаў, што «яны абодва пра змаганне быць артыстам і замірэнні вашых летуценняў з патрэбай быць чалавекам. «Ла-Ла Лэнд» толькі нашмат менш жорсткі ў гэтым»․ Ён казаў, што абодва фільмы адлюстроўваюць яго ўласны досвед у якасці рэжысёра, які пракладае сабе шлях па кар'ерных усходах Галівуда[10]. «Ла-Ла Лэнд» у прыватнасці быў натхнёны яго досведам пераезду з Усходняга ўзбярэжжа з перакананнямі, што Лос-Анджэлес складаецца з «усяго толькі палос і аўтастрад»[11]

Шазэл не мог знайсці прадзюсараў для свайго фільма многія гады, бо ніводная студыя не хацела фінансаваць арыгінальны сучасны фільм без вядомых песень. Таксама гэта быў джазавы мюзікл, што завецца The Hollywood Reporter(англ.) бел. «вымерлым жанрам». Паводле думкі Шазэла гэта адбывалася з-за невядомасці яго і Гурвіца, што рабіла праект у вачах фінансістаў сумнеўным[12][13]. Першых прадзюсараў Шазэл знайшоў праз сяброў, якія пазнаёмілі яго з Фрэдам Бергерам і Джорданам Хоравіцам. З двума прадзюсарамі на борце сцэнарый адправіўся ў Focus Features(англ.) бел. з меркаваным бюджэтам у мільён долараў. Аднак студыя запатрабавала змяніць сцэнарый. У прыватнасці джазавы піяніст павінен быў стаць рок-музыкантам, складаная адкрывальная сцэна - перароблена, а фінал зменены на хэпі-энд. Шазэл адмовіўся ад рэалізацыі і рушыў далей[13].

Пазней Шазэл напісаў «Апантанасць» з прасцейшай канцэпцыяй для продажу і меншымі рыскамі[14]. Пасля таго, як фільм быў добра прыняты крытыкамі на прэм'ерным паказе ў 2014 годзе, Шазэл працягнуў прасоўваць «Ла-Ла Лэнд»[13]. Годам пазней, калі «Апантанасць» атрымаў пяць намінацый на «Оскар», улучаючы «Лепшы фільм», і зарабіў 50 мільёнаў долараў у сусветным пракаце пры бюджэце ў 3,3 мільёна, Шазэл са сваім праектам сталі цікавыя для студый[12].

Праз пяць гадоў пасля напісання сцэнарыя[15] Summit Entertainment і Black Label Media супольна з прадзюсарам Маркам Платам пагадзіліся інвеставаць у «Ла-Ла Лэнд». Яны былі ўражаны водгукамі крытыкаў і камерцыйным поспехам «Апантанасці»[10]. Патрык Ваксбергер з Lionsgate, што раней працаваў над франшызай «Крок наперад(руск.) бел.», пераканаў Шазэла павялічыць бюджэт фільма, бо якасныя мюзіклы не павінны быць таннымі[16].

Кастынг[правіць | правіць зыходнік]

Спачатку галоўныя ролі павінны былі сыграць Майлз Тэлер(англ.) бел. і Эма Уотсан. Уотсан аддала перавагу зняцца ў «Красуні і пачвары(руск.) бел.», тым часам як Тэлер пайшоў пасля працяглых перамоў[17]. У сваю чаргу Гослінг сам адпрэчыў ролю Пачвары ў «Красуні і пачвары» на карысць «Ла-Ла Лэнда»[18]. Шазэл вырашыў зрабіць персанажаў трохі старэй, больш дасведчанымі, а не маладымі навікамі, толькі што прыбылымі ў Лос-Анджэлес[13].

Эма Стоўн іграе Мію, якая імкнецца стаць актрысай, і працуе ў кавярні на Warner Bros. Лос-Анджэлеса. Яна падае латэ паміж праслухоўваннямі[12]. Стоўн любіць мюзіклы з 8 гадоў, калі яна ўпершыню ўбачыла «Адрынутых(руск.) бел.» і сказала, што «ўрывацца ў песню было маёй сапраўднай марай», і што яе любімым фільмам з'яўляецца рамантычная камедыя Чарлі Чапліна «Агні вялікага горада(англ.) бел.»[12]. Яна вывучала пом-танцы ў дзяцінстве і год займалася балетам[12]. Стоўн пераехала ў Галівуд са сваёй маці у 15 гадоў, каб працягнуць сваю кар'еру, і ўвесь час змагалася за праслухоўванні першы год. А калі прыходзіла, ёй часта адмаўлялі пасля таго, як яна пачынала спяваць ці гаварыла толькі адзін радок[19]. Стоўн дадала ў яе вобраз сёе-тое са свайго досведу, і гэта ўвайшло ў фільм.

Яна сустрэла Шазэла ў 2014 годзе падчас свайго брадвейскага дэбюту ў «{нп3{|Кабарэ (мюзікл)|Кабарэ||Cabaret (musical)}}». Шазэл і Гурвіц убачылі яе выступленне ноччу, калі актрыса была астуджана[12][20]. Яна сустрэлася з Шазэлам у Нью-Ёрку, дзе рэжысёр выказаў сваё бачанне фільма[21]. Стоўн заваявала давер пасля Кабарэ, каб даць рады фільму[21]. Рыхтуючыся да ролі, Стоўн глядзела фільмы-мюзіклы, што натхнілі Шазэла, у тым ліку «Шэрбурскія парасоны» і фільмы з Фрэдам Астэрам і Джынджэр Роджэрс. Яна прыняла прапанову з-за моцнай захопленасці Шазэлам сваім праектам[21].

Раян Гослінг іграе Себастыяна, джазавага піяніста, які зарабляе на жыццё гульнёй у кактэйльных барах і марыць адкрыць свой клуб[12]. Як і Стоўн, Гослінг прыўнёс свой досвед акцёра ў фільм. Адзін з выпадкаў быў выкарыстаны для эпізоду з Міяй. Гослінг іграў эмацыйную сцэну са слязьмі на вачах для праслухоўвання, тым часам як кастынг-дырэктар узяў тэлефон, каб абмеркаваць абед[22][19][12]. Шазэл сустрэўся з Гослінгам у бары каля яго дома ў Галівуд Хілс перад пачаткам здымак апошняга ў «Гульні на зніжэнне(англ.) бел.»[13].

Шазэл паклікаў іх дваіх у праект адразу, як студыя купіла фільм[10]. Ён казаў, што яны «найбліжэй з сучасных акцёраў да старой пары Галівуда», падобных на Спенсера Трэйсі і Кэтрын Хепбёрн, Фрэда Астэра і Джынджэр Роджэрс, Мірну Лой(руск.) бел. і Уільяма Паўэла(англ.) бел.[23]․ Для Гослінга і Стоўн гэта быў трэці супольны фільм пасля «Гэтага дурнога кахання(руск.) бел.» і «Паляўнічых на гангстараў(руск.) бел.»[24]. Шазэл пытаў у іх абодвух пра няўдалыя праслухоўванні[19]. Абодва акцёры навучыліся спяваць і танцаваць для шасці песень фільма[13].

Астатнія акцёры — Дж. К. Сіманс, Саноя Мідзуна, Джэсіка Рот, Калі Эрнандэс, Фін Уітрак, Розмары ДэВіт, Джон Леджэнд, Джэйсан Фукс, Мігэн Фэй[25][26][27][28][29][30] — далучыліся ў ліпені і жніўні 2015 года. Леджэнд іграе Кіта, паспяховага мэйнстрымавага джазавага выканаўца і лідара гурта «The Messengers», да якога далучыўся Себасцьян[12].

Харэографам фільма была Мэндзі Мур. Рэпетыцыі адбываліся ў вытворчым офісе ў вёсцы Этуотэр, Лос-Анджэлес на працягу трох-чатырох месяцаў, пачынаючы з мая 2015 года. Гослінг практыкаваўся ў гульні на піяніна ў адным пакоі, Стоўн працавала з Мур у іншым, а дызайнер касцюмаў Мэры Зофрэс мела свой куток[12][13]. Гослінг, які не меў належнага досведу, павінен быў навучыцца іграць на піяніна[31]. Мур падкрэслівала, што ключавой была праца над эмоцыямі чым над тэхнікай, пра што расказвала Стоўн[12]. Каб дапамагчы свайму акцёрскаму складу і здымачнай групе наладзіцца на патрэбны лад, Шазэл праводзіў штопятніцу вечарам паказы класічных фільмаў, якія натхнілі яго, у тым ліку «Шэрбурскія парасоны», «Спяваючыя пад дажджом», «Цыліндр(англ.) бел.» і «Ночы ў стылі бугі(руск.) бел.»[13].

Здымкі[правіць | правіць зыходнік]

Адпачатку Шазэл хацеў, каб музычныя нумары фільма былі здзеты «з галавы да пят» і адным дублем, як працы 1930-х гадоў Фрэда Астэра і Джынджэр Роджэрс[21]. Таксама ён хацеў зрабіць фільм шырокаэкранным у фармаце CinemaScope(руск.) бел. як мюзіклы 1950-х гадоў накшталт «Заўсёды добрае надвор'е». У выніку фільм быў зняты на цэлулоідавай плёнцы (не ў лічбавым фармаце) на камеру Panavision у шырокаэкранным фармаце, але не ў сапраўдным CinemaScope, бо гэта тэхналогія больш недаступная[32][33][34][35].

Шазэл хацеў зрабіць Лос-Анджэлес асноўным месцам дзеяння свайго фільма, каментуючы «ёсць нешта вельмі паэтычнае ў гэтым горадзе, пра які я думаю, горадзе, якія будуюцца людзьмі з нерэальнымі марамі і людзьмі, што паставілі на кон усё»[36]. Здымкі фільма афіцыйна стартавалі ў горадзе 10 жніўня 2015 года[37] і праходзілі ў больш чым 60 месцах Лос-Анджэлеса, улучаючы травмай «Лёт анёлаў» у цэнтры горада, дамы на Галівудскіх узгорках, мост Каларада-стрыт, тэатр Рыяльта ў Паўднёвай Пасадыне, студыю Warner Bros., рынак Grand Central Market, кафэ Lighthouse і вежы Уотс, у якіх здымалі некалькі сцэн адным дублем. Здымкі доўжыліся 40 дзён і скончыліся ў сярэдзіне верасня 2015 года[13][38][39].

Адкрывальная сцэна была знята першай на перакрытай частцы аўтабана на трасе Лос-Анджэлеса[13], што злучае 105 і 110 аўтастрады, якія вядуць у цэнтр горада. Яе здымалі на працягу двух дзён з удзелам больш сотні танцораў[10][40]. У гэтай сцэне Шазэл хацеў даць зразумець, наколькі вялікі горад[41]. Сцэна планавалася на першым узроўні шашы, пакуль рэжысёр не вырашыў здымаць злучэнне 105-110 у 30 метрах над зямлёй. Мастак-пастаноўшчык Дэвід Васка казаў: «Я думаў, што нехта зваліцца і загіне». Шазэл параўнаў сцэну з дарогай з жоўтай цэглы, што вяла ў Смарагдавы горад у «Чараўніку краіны Оз»(англ.) бел.[13].

Шазэл знайшоў для «старога Лос-Анджэлеса» месцы, якія былі ў руінах ці разбураны. Адным з такіх месцаў быў трамвай «Лёт анёлаў», пабудаваны ў 1901 годзе. Фунікулёр быў закрыты ў 2013 годзе пасля аварыі. Былі распачаты спробы рамонту і паўторнага адкрыцця чыгункі, але безвынікова. Тым не менш здымачная група змагла атрымаць дазвол на выкарыстанне на працягу дня[42]. Мія працуе ў кафэ на студыі Warner Bros., Шазэл лічыў, што яны з'яўляюцца «помнікамі» Галівуда. Мастак-пастаноўшчык Васкр стварыў мноства падробленых старых плакатаў. Шазэл час ад часу ствараў назвы для іх, аднойчы выкарыстаўшы назву сваёй першай карціны Guy and Madeline on a Park Bench для постара[43].

Шасціхвілінная сцэна A Lovely Night павінна была быць знята падчас кароткага моманту «чароўнай гадзіны» на заходзе[12]. Калі Раян Гослінг і Эма Стоўн нарэшце скончылі, актрыса ўспамінала, як «усе проста выбухнулі»[21]. Паколькі Гослінг і Стоўн не былі прафесійнымі танцорамі, яны здзейснілі шэраг памылак, асабліва падчас працяглых бесперапынных музычных нумароў, знятых адным кадрам. Тым не менш Шазэл спачуваў ім, разумеючы іх нястачу досведу і не зважаючы на іх памылкі[15]. Пакуль здымаўся першы танец Себасцьяна і Міі, Стоўн спатыкнулася за спінку лавы, але працягнула працаваць паводле сцэнарыя[15].

Сцэна спрэчкі падчас рамантычнай вячэры, якую герой Гослінга згатаваў для Міі, была адной са сцэн, пераробленых больш за любыя іншыя. Гослінг і Стоўн таксама дапамаглі стварыць дыялог у сцэне, каб зрабіць яго адной з найболей рэалістычных сцэн у фільме, напоўненым фантастычнымі элементамі[44].

Шазэл правёў амаль год за мантажом фільма з мантажорам Томам Кросам, бо яны былі зацікаўлены ў першую чаргу слушным тонам карціны[13].

Саундтрэк[правіць | правіць зыходнік]

La La Land: Original Motion Picture Soundtrack
Вокладка альбома розных выканаўцаў «La La Land: Original Motion Picture Soundtrack» ()
Саўндтрэк(англ.) бел. розных выканаўцаў
Дата выпуску

9 снежня 2016

Запісаны

2016

Жанр

джаз, барока-поп(англ.) бел., дрым-поп

Працягласць

45:53

Прадзюсар

Джасцін Гурвіц, Марыус Дэ Урыс(англ.) бел., Стывен Гізіцкі

Краіна

Flag of the United States.svg ЗША

Мова песень

англійская

Лэйбл

Interscope

La La Land: Original Motion Picture Soundtrack — саўндтрэк да фільма «Ла-Ла Лэнд». Альбом быў выпушчаны 9 снежня 2016 года на лэйбле Interscope](англ.) бел.. Пласцінка дэбютавала з другой пазіцыі ў амерыканскім чарце Billboard 200(англ.) бел. і з першай у брытанскім чарце UK Albums Chart(англ.) бел..

Песні і партытура да фільма былі напісаны амерыканскім кампазітарам і аднакласнікам Шазэла па Гарвардскім ўніверсітэцеДжасцінам Гурвіцам, які таксама напісаў музыку да двух папярэдніх фільмаў Шазэла. Тэксты песень былі напісаны аўтарскім дуэтам Пасік — Поўл(англ.) бел., членамі якога з'яўляюцца Бендж Пасік і Джасцін Поул(англ.) бел., за выняткам тэксту песні «Start a Fire», напісанага Джонам Леджэндам, Гурвіцам, Марыусам Дэ Урысам і Анжэлікам Сінеллю. На 89-й цырымоніі ўручэння ўзнагарод прэміі «Оскар», альбом атрымаў узнагароду ў намінацыі «Лепшая музыка да фільма(англ.) бел.», а песня «City of Stars» здабыла перамогу ў намінацыі «Лепшая песня да фільма(англ.) бел.».

Назва Выканаўцы Працягласць
1. «Another Day of Sun(англ.) бел.» Акцёрскі склад фільма 3:48
2. «Someone in the Crowd» Эма Стоўн, Калі Эрнандэс(англ.) бел., Саноя Мідзуна, Джэсіка Рот 4:20
3. «Mia & Sebastian’s Theme» Джасцін Гурвіц 1:38
4. «A Lovely Night» Раян Гослінг, Эма Стоўн 3:57
5. «Herman’s Habit» Гурвіц 1:52
6. «City of Stars» Гослінг 1:51
7. «Planetarium» Гурвіц 4:17
8. «Summer Montage / Madeline» Гурвіц 2:05
9. «City of Stars» Гослінг, Стоўн 2:30
10. «Start a Fire» Джон Леджэнд 3:12
11. «Engagement Party» Гурвіц 1:27
12. «Audition (The Fools Who Dream)» Стоўн 3:48
13. «Epilogue» Гурвіц 7:39
14. «The End» Гурвіц 0:46
15. «City of Stars (Humming)» (пры ўдзеле Эмы Стоўн) Гурвіц 2:43
45:53

Выхад і пракат[правіць | правіць зыходнік]

Касавыя зборы[правіць | правіць зыходнік]

«Ла-Ла Лэнд» сабраў 151,1 мільёнаў долараў у ЗША і Канадзе і 294,9 мільёнаў у астатнім свеце, набраўшы ў суме 446 мільёнаў пры вытворчым бюджэце ў 30 мільёнаў. Deadline.com ацаніў чысты прыбытак фільма ў 68,25 мільёнаў, што зрабіла яго адным з 20 самых прыбытковых рэлізаў 2016 года.

Выхад на DVD і Blu-ray[правіць | правіць зыходнік]

12 сакавіка 2017 года, кінакампанія Lionsgate(англ.) бел. анансавала даты выхаду фільма «Ла-Ла Лэнд» на Digital HD і Blu-ray Disc(руск.) бел. 11 красавіка 2017 года, а таксама на Ultra HD Blu-Ray і DVD 25 красавіка таго ж года[47].

Рэакцыя крытыкаў[правіць | правіць зыходнік]

«Ла-Ла Лэнд» быў сустрэты дадатнымі водгукамі ад крытыкаў, якія ўсхваляюць сцэнарый і рэжысуру Шазэла, а таксама акцёрскую гульню Гослінга і Стоўн, музыку Гурвіца і музычныя нумары[48][49][50][51]. На сайце Rotten Tomatoes фільм атрымаў 92 % станоўчых рэцэнзій на грунце 373 водгукаў з сярэдняй ацэнкай 8,6/10. Крытычны кансенсус сайта абвяшчае: «„Ла-Ла Лэнд“ дае новае жыццё жанру, які чышоў, з дапамогай захапляльнай рэжысуры, магутнай акцёрскай гульні і лішку шчырасці»[52]. На Metacritic(англ.) бел. фільм мае ацэнку 93 з 100 на аснове 53 рэцэнзій, з вердыктам «усеагульнае прызнанне»[53].

Пітэр Трэверс(англ.) бел. з Rolling Stone назваў «Ла-Ла Лэнд» сваім фаварытам у 2016 годзе. Пітэр Брэдшоу з The Guardian прысудзіў фільму пяць з пяці зорак, апісаўшы яго як «заліты сонцам музычны шэдэўр»[54]. Том Кэрыці з Sight & Sound заявіў, што «Шазэл выбудаваў рэдкую рэч, геніяльную рамантычную камедыю, а таксама рапсодыю ў сінім, чырвоным, жоўтым і зялёным колерах»[55]. Дыяна Дабровска з Cinema Scope напісала, што «„Ла-Ла Лэнд“ можа быць як свет, пра які мы марым, але ён разумее жорсткасць, што можа выйсці з гэтых летуценняў; ён зняты ў фармаце CinemaScope, і ўжо ён лічыцца інтымным шэдэўрам»[56].

Узнагароды і намінацыі[правіць | правіць зыходнік]

Узнагароды і намінацыі фільма «Ла-Ла Лэнд»[57]
Год Кінапрэмія / Кінафестываль Катэгорыя / Узнагарода Намінант Вынік
2016 Венецыянскі міжнародны кінафестываль «Залаты леў» Дэм’ен Шазэл Намінацыя
Лепшая актрыса Эма Стоўн Перамога
2017 «Залаты глобус» Лепшы фільм — камедыя або мюзікл Перамога
Лепшая рэжысура Дэм’ен Шазэл Перамога
Лепшы акцёр у камедыі або мюзікле Раян Гослінг Перамога
Лепшая актрыса в камедыі або мюзікле Эма Стоўн Перамога
Лепшы сценарий Дэм’ен Шазэл Перамога
Лепшая музыка да фільма Джасцін Гурвіц Перамога
Лепшая песня City of Stars — Джасцін Гурвіц, Бендж Пасек, Джасцін Пол Перамога
2017 Прэмія Гільдыі кінаакцёраў ЗША Лепшая мужчынская роля Раян Гослінг Намінацыя
Лепшая жаночая роля Эма Стоўн Перамога
2017 BAFTA Лепшы фільм Фрэд Бергер, Джордан Хоравіц, Марк Плат Перамога
Лепшая рэжысура Дэм’ен Шазэл Перамога
Лепшы акцёр Раян Гослінг Намінацыя
Лепшая актрыса Эма Стоўн Перамога
Лепшы арыгінальны сцэнарый Дэм’ен Шазэл Намінацыя
Лепшая аператарская работа Лінус Сандгрэн Перамога
Лепшая работа мастака-пастаноўшчыка Сэндзі Рэйнальдс-Уоска, Дэвід Уоска Намінацыя
Лепшы дызайн касцюмаў Мэри Зофрыс Намінацыя
Лепшы мантаж Том Крос Намінацыя
Лепшая музыка да фільма Джасцін Гурвіц Перамога
Лепшы гук Мілдрэд Аятру, Ай-Лінг Лі, Стывен Морау, Эндзі Нельсан Намінацыя
2017 «Оскар» Лепшы фільм Фрэд Бергер, Джордан Хоравіц і Марк Плат Намінацыя
Лепшая рэжысура Дэм’ен Шазэл Перамога
Лепшы акцёр Раян Гослінг Намінацыя
Лепшая актрыса Эма Стоўн Перамога
Лепшы арыгінальны сцэнарый Дэм’ен Шазэл Намінацыя
Лепшая аператарская работа Лінус Сандгрэн Перамога
Лепшая работа мастака-пастаноўшчыка Дэвід Уоска (пастаноўшчык), Сэндзі Рэйнальдс-Уоска (дэкаратар) Перамога
Лепшы дызайн касцюмаў Мэры Зофрыс Намінацыя
Лепшы мантаж Том Крос Намінацыя
Лепшая музыка да фільма Джасцін Гурвіц Перамога
Лепшы гук Эндзі Нельсан, Ай-Лінг Лі і Стывен Морау Намінацыя
Лепшы гукавы мантаж Ай-Лінг Лі і Мілдрэд Аятру Намінацыя
Лепшая песня да фільма City of StarsДжасцін Гурвіц, Бендж Пасек, Джасцін Пол Перамога
Audition (The Fools Who Dream)Джасцін Гурвіц, Бендж Пасек, Джасцін Пол Намінацыя
2017 Сатурн Лепшы незалежны фільм Перамога
Лепшая музыка Джасцін Гурвіц Перамога

Заўвагі[правіць | правіць зыходнік]

  1. 1,0 1,1 Peter Bart 'La La Land' Adds Musical Backbeat To Wide-Open Awards Race (англ.) . Deadline (17 ноября 2016). Архівавана з першакрыніцы 28 апреля 2017. Праверана 2 снежня 2016.
  2. 2,0 2,1 Box office of 'La La Land' (англ.) . Box Office Mojo. Архівавана з першакрыніцы 28 апреля 2017. Праверана 22 апреля 2017.
  3. Person Profile // Internet Movie Database — 1990. Праверана 6 студзеня 2017.
  4. http://www.imdb.com/title/tt3783958/releaseinfo?ref_=tt_ql_dt_2#releases
  5. 5,0 5,1 http://www.imdb.com/title/tt3783958/ Праверана 16 красавіка 2016.
  6. 6,0 6,1 6,2 6,3 (unspecified title) Праверана 17 верасня 2016.
  7. 7,0 7,1 http://www.imdb.com/title/tt3783958/?ref_=ttrel_rel_tt
  8. Troy Nankervis What’s the Emma Stone and Ryan Gosling musical La La Land actually about? (англ.) . Metro(англ.) бел. (12 февраля 2017). Архівавана з першакрыніцы 28 красавіка 2017. Праверана 28 красавіка 2017.
  9. Taglines of 'La La Land' (англ.) . IMDB. Архівавана з першакрыніцы 28 красавіка 2017. Праверана 28 красавіка 2017.
  10. 10,0 10,1 10,2 10,3 Smith, Nigel M.. Damien Chazelle on La La Land: 'Los Angeles is full of people chasing dreams' (en-GB), The Guardian (2016-09-08). Праверана 13 мая 2017.
  11. L.A. Transcendental: How ‘La La Land’ Chases the Sublime. Праверана 13 мая 2017.
  12. 12,00 12,01 12,02 12,03 12,04 12,05 12,06 12,07 12,08 12,09 12,10 12,11 With 'La La Land,' Emma Stone and director Damien Chazelle aim to show that original musicals aren't all tapped out (en-US), Los Angeles Times (2016-09-12). Праверана 13 мая 2017.
  13. 13,00 13,01 13,02 13,03 13,04 13,05 13,06 13,07 13,08 13,09 13,10 13,11 How 'La La Land' Went From First-Screening Stumbles to Hollywood Ending (англ.) , The Hollywood Reporter . Праверана 13 мая 2017.
  14. Hammond, Pete. Tom Hanks Interrupts His Own ‘Sully’ Q&A To Lavishly Praise ‘La La Land’ – Telluride (en-US), Deadline (2016-09-03). Праверана 13 мая 2017.
  15. 15,0 15,1 15,2 Emma Stone on Reteaming With Ryan Gosling in 'La La Land' and Her New Appreciation of Los Angeles (en-US) . Праверана 13 мая 2017.
  16. Zurich: Lionsgate's Patrick Wachsberger on His Journey From Jerry Lewis to 'Twilight,' 'La La Land' (англ.) , The Hollywood Reporter . Праверана 13 мая 2017.
  17. Patten, Patrick Hipes,Dominic. Ryan Gosling & Emma Stone Circling Damien Chazelle’s ‘La La Land’ (en-US), Deadline (2015-04-14). Праверана 13 мая 2017.
  18. Wiest, Brianna. Emma WATSON Almost Starred in ‘La La Land’ (англ.) , Teen Vogue . Праверана 13 мая 2017.
  19. 19,0 19,1 19,2 Jones, Emma. La La Land: Gosling and Stone serenade Hollywood (en-GB), BBC News (2016-10-06). Праверана 13 мая 2017.
  20. Grobar, Matt. Emma Stone Reveals Unorthodox ‘La La Land’ Audition; Mel Gibson On ‘Hacksaw Ridge’ Inspiration – The Contenders (en-US), Deadline (2016-11-05). Праверана 13 мая 2017.
  21. 21,0 21,1 21,2 21,3 21,4 Emma Stone Takes the Biggest Leap of Her Career With La La Land (англ.) , Vogue . Праверана 13 мая 2017.
  22. Los Angeles Times This painful audition scene in 'La La Land' was based on Ryan Gosling's real-life experience. latimes.com. Праверана 13 мая 2017.
  23. 'La La Director' Director On the 'Timeless Glamour' of Ryan Gosling & Emma Stone (en-US), EW.com (2016-08-30). Праверана 13 мая 2017.
  24. Emma Stone joins Ryan Gosling on set of La La Land , Mail Online . Праверана 13 мая 2017.
  25. Hipes, Patrick. Sonoya Mizuno, Jessica Rothe & Callie Hernandez Move Into ‘La La Land’ (en-US), Deadline (2015-07-09). Праверана 13 мая 2017.
  26. 'La La Land' Adding 'American Horror Story' Actor Finn Wittrock (Exclusive) (англ.) , The Hollywood Reporter . Праверана 13 мая 2017.
  27. Hipes, Patrick. Rosemarie DeWitt Chimes In For ‘La La Land’ (en-US), Deadline (2015-08-04). Праверана 13 мая 2017.
  28. Kroll, Justin. John Legend in Talks to Join Emma Stone and Ryan Gosling in Musical ‘La La Land’ (en-US), Variety (2015-08-04). Праверана 13 мая 2017.
  29. Lincoln, Ross A.. John Magaro Joins ‘War Machine’; Jason Fuchs Moves To ‘La La Land’ (en-US), Deadline (2015-08-11). Праверана 13 мая 2017.
  30. Pedersen, Erik. Tony Sirico Joins Woody Allen’s Latest; Meagen Fay Tunes Up For ‘La La Land’ (en-US), Deadline (2015-08-10). Праверана 13 мая 2017.
  31. 27 curiosidades de 'La La Land', la película de Emma Stone y Ryan Gosling. El Huffington Post (2017-01-13). Праверана 21 жніўня 2017.
  32. Shot in CinemaScope, La La Land vibrantly romances the olden days of Hollywood | Motion Picture Film. motion.kodak.com. Праверана 21 жніўня 2017.
  33. Richard Gray Review: La La Land. The Reel Bits (2016-12-14). Праверана 21 жніўня 2017.
  34. Bill Desowitz Oscars 2017: Shooting on Film Will Impact Cinematography Race | IndieWire (англ.) . www.indiewire.com. Праверана 21 жніўня 2017.
  35. Cinema Scope | La La Land (Damien Chazelle, US) — Special Presentations (en-US). cinema-scope.com. Праверана 21 жніўня 2017.
  36. 'La La Land': Emma Stone, Director Damien Chazelle Talk Bringing Back Hope in Films (англ.) , The Hollywood Reporter . Праверана 21 жніўня 2017.
  37. On the Set for 8/14/15: Marlon Wayans Starts Fifty Shades of Black, Bill Condon Wraps Up Beauty and The Beast | SSN Insider (en-US). www.ssninsider.com. Архівавана з першакрыніцы 21 жніўня 2017. Праверана 21 жніўня 2017.
  38. Los Angeles Times Ryan Gosling sees 'La La Land' as an opportunity to show off Los Angeles. latimes.com. Праверана 21 жніўня 2017.
  39. D'Alessandro, Anthony. Encore: How ‘La La Land’ Director Damien Chazelle, His Team & Lionsgate Faced The Music & Resurrected The Original Hollywood Musical (en-US), Deadline (2017-02-17). Праверана 21 жніўня 2017.
  40. D'Alessandro, Anthony. How Damien Chazelle Pulled Off That L.A. Freeway Musical Number In ‘La La Land’ – Toronto Studio (en-US), Deadline (2016-09-13). Праверана 21 жніўня 2017.
  41. L.A. Transcendental: How ‘La La Land’ Chases the Sublime. Праверана 21 жніўня 2017.
  42. L.A. Transcendental: How ‘La La Land’ Chases the Sublime. Праверана 21 жніўня 2017.
  43. L.A. Transcendental: How ‘La La Land’ Chases the Sublime. Праверана 21 жніўня 2017.
  44. How Emma Stone and Ryan Gosling Helped Write Their 'La La Land' Fight (en-US), EW.com (2017-02-24). Праверана 21 жніўня 2017.
  45. Listen to ‘City of Stars’ From the ‘La La Land’ Soundtrack, Arriving Dec. 9. Variety. Праверана 17 лістапада 2016.
  46. ‘La La Land’ – The Complete Musical Experience to Be Released. Film Music Reporter. Праверана 25 лютага 2017.
  47. 'La La Land' on Home media (англ.) . Lionsgate (12 марта 2017). Архівавана з першакрыніцы 29 красавіка 2017. Праверана 12 сакавіка 2017.
  48. Emma Stone and Ryan Gosling’s ‘La La Land’ gets rave reviews in Venice , The Boston Globe . Праверана 22 студзеня 2017.
  49. Michael Phillips. Venice audiences enchanted by 'La La Land' (англ.) , Chicago Tribune . Праверана 22 студзеня 2017.
  50. John Hopewell. Ryan Gosling, Emma Stone, Damien Chazelle’s ‘La La Land’ Wow Venice (англ.) , Variety (2016-08-31). Праверана 22 студзеня 2017.
  51. Yohana Desta. La La Land Stuns at the Venice Film Festival (англ.) , HWD . Праверана 22 студзеня 2017.
  52. La La Land (англ.) . Праверана 22 студзеня 2017.
  53. La La Land. Праверана 22 студзеня 2017.
  54. Peter Bradshaw. La La Land review: Ryan Gosling and Emma Stone shine in a sun-drenched musical masterpiece (англ.) , The Guardian (2016-08-31). Праверана 22 студзеня 2017.
  55. La La Land – first-look review. Sight & Sound (англ.) , British Film Institute . Праверана 22 студзеня 2017.
  56. La La Land (Damien Chazelle, US) (англ.) , Cinema Scope (2016-09-05). Праверана 22 студзеня 2017.
  57. IMDb: La La Land Awards

Спасылкі[правіць | правіць зыходнік]