Леанард Пацей
| Леанард Пацей | |||||||
|---|---|---|---|---|---|---|---|
 | |||||||
 Герб «Вага» | |||||||
|
| |||||||
|
|||||||
| Папярэднік | Людвік Пацей | ||||||
| Пераемнік | Антоні Ануфрый Гелгуд | ||||||
|
|
|||||||
| Нараджэнне | каля 1730 | ||||||
| Смерць | 14 ліпеня 1774 | ||||||
| Род | Пацеі | ||||||
| Бацька | Аляксандр Пацей | ||||||
| Маці | Тэрэзы з Войнаў-Ясянецкіх | ||||||
| Жонка | Марыя Аляксандра з Радзівілаў | ||||||
| Дзеці | Аляксандр Міхал | ||||||
| Узнагароды |
 |
||||||
Леанард Пацей (каля 1730 — 14 ліпеня 1774) — дзяржаўны дзеяч Вялікага Княства Літоўскага. Абозны (з 1752) і стражнік вялікі літоўскі (з 1771). Трымаў Рагачоўскае і Алькеніцкае староствы. Кавалер Ордэна Белага Арла (1759).
Біяграфія[правіць | правіць зыходнік]
Прадстаўнік шляхецкага роду Пацеяў гербу «Вага», сын Аляксандра, троцкага ваяводы, і Тэрэзы з Войнаў-Ясянецкіх, удавы кашталяна мсціслаўскага Канстанціна Бенедыкта Бжастоўскага.
Абіраўся паслом на соймы 1750, 1752 (абодва разы ад Віцебскага ваяводства), 1762, 1764 (удзельнічаў у абранні каралём Станіслава Аўгуста Панятоўскага).
Пасля першага падзелу Рэчы Паспалітай (1772) дзеля захавання сваіх маёнткаў у Полацкім ваяводстве прысягнуў Кацярыне II (1773)
У шлюбе з Марыяй Аляксандрай, дачкой рэчыцкага старосты Альбрэхта Радзівіла, меў сына Аляксандра Міхала.
Крыніцы[правіць | правіць зыходнік]
- Грыцкевіч А. Пацеі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 421. — 792 с. — ISBN 985-11-0378-0 (т. 2), ISBN 985-11-0315-2.
