Леанід Мікалаевіч Асядоўскі

Леанід Мікалаевіч Асядоўскі
Леанід Мікалаевіч Асядоўскі
Дата нараджэння	9 красавіка 1934
Месца нараджэння	Лошыца, Мінскі раён, Менская вобласць;
Дата смерці	12 лютага 1990 (55 гадоў)
Род дзейнасці	мастак
Месца працы	Мінскі дзяржаўны мастацкі каледж імя А. К. Глебава; Беларуская дзяржаўная акадэмія мастацтваў;
Вучоба	Беларускі дзяржаўны тэатральна-мастацкі інстытут (1961);

Леанід Мікалаевіч Асядо́ўскі (нар. 9 красавіка 1934, в. Лошыца, цяпер у межах Мінска — 12 лютага 1990) — беларускі жывапісец.

Скончыў у 1961 годзе Беларускі тэатральна-мастацкі інстытут. Выкладаў у Мінскім мастацкім вучылішчы, з 1983 года у Беларускім тэатральна-мастацкім інстытуце.

Творчасць[правіць | правіць зыходнік]

Працаваў у станковым жывапісе ў жанрах фігуратыўнай карціны, партрэта, пейзажа. У творчасці пераважалі гісторыка-рэвалюцыйная тэматыка і тэмы сучаснасці. Сярод твораў: «Хай заўжды будзе сонца» (1964), «Нафта беларуская ёсць!» (1972), «Дажынкі» (1980), «Балада пра маці» (1986), трыпціхі «М. В. Фрунзэ ў Мінску» (1967), «25-га. Першы дзень» (1969), партрэты «Партрэт маладога вучонага» (1968), «Пачынальнікі беларускай музыкі» (1983), пейзажы «Сакавік» (1961), «Зімовы матыў» (1965), «Пасля дажджу» (1967) і інш. Аўтар дыярам «Мінскі „кацёл“» для Беларускага дзяржаўнага музея Вялікай Айчыннай вайны (1969—1971; у сааўтарстве), «Бой пад Мсціслававічамі» для Клімавіцкага краязнаўчага музея (1981).

Літаратура[правіць | правіць зыходнік]

Асядоўскі Леанід Мікалаевіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2010. — Т. 1. — 704 с. — 3 000 экз. — ISBN 978-985-11-0496-9.