Леа Бакеланд

Леа Бакеланд
нідэрл.: Leo Henricus Arthur Baekeland
Род дзейнасці	хімік, вынаходнік
Дата нараджэння	14 лістапада 1863(1863-11-14)[…]
Месца нараджэння	Гент, акруга Гент[d], Усходняя Фландрыя, Бельгія
Дата смерці	23 лютага 1944(1944-02-23)[…] (80 гадоў)
Месца смерці	Beacon[d], Датчэс[d], штат Нью-Ёрк, ЗША
Месца пахавання	Sleepy Hollow Cemetery[d]
Грамадзянства	Бельгія  ЗША
Жонка	Céline Swarts[d]
Месца працы	Генцкі ўніверсітэт
Альма-матар	Генцкі ўніверсітэт (1882)
Член у	Амерыканскае філасофскае таварыства Амерыканская асацыяцыя садзейнічання развіццю навукі Нацыянальная акадэмія навук ЗША Naval Advisory Board of Inventions[d] Амерыканскае хімічнае таварыства
Узнагароды і прэміі	медаль Джона Скота[d] прэмія Уіларда Гібса[d] (1913) Нацыянальная Зала славы вынаходнікаў[d] (1978) медаль Франкліна[d] (1940) William H. Nichols Medal[d] (1910)
Аўтограф
Медыяфайлы на Вікісховішчы

Леа Хендрык Бакеланд (англ.: Leo Hendrik Baekeland; 14 лістапада 1863-23 лютага 1944) — амерыканскі хімік і вынаходнік.

Біяграфія

Нарадзіўся ў Генце (Бельгія). Пасля заканчэння ў 1884 годзе Генцкага ўніверсітэта працаваў лабарантам, выкладчыкам хіміі. У 1889 годзе пераехаў у ЗША, працаваў на фірме па вытворчасці фотаматэрыялаў. У 1893 годзе заснаваў уласную кампанію па вытворчасці вынайдзенай ім фотапаперы «велакс», якую можна было праяўляць пры чырвоным святле. У 1899 годзе прадаў кампанію і правы на вытворчасць сваёй фотапаперы фірме «Істмэн Кодак». Правёў адзін семестр у Вышэйшай тэхнічнай школе ў Шарлотэнбургу (Германія), а па вяртанні ў ЗША заняўся пошукамі заменніка шэлаку — васкаподобнага рэчыва, якое выпрацоўваецца некаторымі трапічнымі насякомымі. Правёўшы рэакцыю кандэнсацыі фармальдэгіду і фенолу, атрымаў палімер, для якога не мог знайсці растваральніка. Гэта навяло яго на думку, што такі практычна нерастваральны і, як высветлілася, не праводны электрычнасці палімер можа быць вельмі каштоўным. У 1909 годзе Бакеланд паведаміў пра атрыманы ім матэрыял, які ён назваў бакелітам. Гэтая фенолфармальдэгідная смала была першым сінтэтычным рэактапластам — пластыкам, не размякчаным пры высокай тэмпературы. Па цэлым шэрагу ўласцівасцяў бакеліт застаецца непераўзыдзеным матэрыялам. Праца Бакеланда стымулявала даследаванні ў галіне арганічнага сінтэзу і стварэнне новых пластмас. За свае вынаходніцтва ён быў узнагароджаны медалямі Дж. Скота (1910), У.Гібса (1913), С.Чэндлера (1914), У.Перкіна (1916). Быў прэзідэнтам Хімічнага і Электрахімічнага таварыстваў, Інстытута інжынераў-хімікаў і Клуба хімікаў.