Сялянская вуліца (Магілёў)
| Сялянская вуліца Магілёў | |
|---|---|
| Агульная інфармацыя | |
| Краіна | Беларусь |
| Рэгіён | Магілёўская вобласць |
| Горад | Магілёў |
| Раён | Ленінскі раён |
Сяля́нская вуліца (руск.: Селянская улица) — вуліца ў цэнтральнай частцы Магілёва.
Гісторыя[правіць | правіць зыходнік]
._1-%D1%8F_%D0%9B%D0%B5%D0%B4%D0%B7%D1%8C%D0%BA%D0%B0%D1%9E%D1%81%D0%BA%D0%B0%D1%8F.jpg)
.jpg)
Гістарычная назва вуліцы — Ледзькаўская[1], па назве прадмесця Ледзькава (Ледзькаўка[2]), якое размяшчалася злева ад дарогі з Магілёва ў Шклоў[3]. З’яўлялался працягам Конназаводскай вуліцы (не існуе, захаваўся адзіны дом, які цяпер знаходзіцца па адрасе вул. Ленінскай, 68А). Перасякала Ледзькаўскі глухі і 2-і Ледзькаўскі завулкі.
У 1912 годзе ў доме па адрасе вул. Ледзькаўская, 15 размяшчаліся Губернская па земскіх і гарадскіх справах прысутнасць і Губернскі камітэт па доглядзе дзяцей асоб, якія загінулі ў вайну з Японіяй. У доме Палубінскага знаходзілася Мясцовае Упраўленне Чырвонага Крыжа[4].
З 1918 года ў доме па адрасе вул. Ледзькаўская, 23 жыла сям’я Юльяна Дрэйзіна. Дом Дрэйзіных прыцягваў магілёўскіх аматараў літаратуры і музыкі[5].
За савецкім часам перайменавана ў Сялянскую (па-руску спачатку мела назву Крестьянская улица, але пасля стала Селянской)[1].
У 1938—1940 гадах у пачатку вуліцы быў пабудаваны пяціпавярховы дом (цяпер па адрасе вул. Першамайская, 42), які перагарадзіў яе ў месцы прымыкання да Першамайскай вуліцы.
Размяшчэнне[правіць | правіць зыходнік]
Арыентавана з паўднёвага ўсходу на паўночны захад. У наш час большая частка вуліцы апынулася ўнутры квартала, абмежаванага вуліцамі Першамайскай, Ціміразева, праспектам Міру, страціўшы сваю трасіроўку і большасць забудовы. Захаваўся невялікі адрэзак ад вуліцы Ціміразева да ракі Дубравенкі.
Забудова[правіць | правіць зыходнік]
- № 1 — двухпавярховы пасляваенны жылы дом з двума эркерамі.
- № 6 — драўляны дом з брандмаўэрам, пабудаваны ў пачатку XX ст. Да 1999 года ў будынку размяшчаўся Музей этнаграфіі[6][7].
Астатняя вуліца забудавана дамамі сядзібнага тыпу.
Зноскі
- ↑ а б Улицы Могилева: сто лет назад и сегодня
- ↑ А. М. Мезенко. Имя внутригородского объекта в истории : Об урбанонимах Беларуси XIV — нач. XX в.. — Минск: Выш. шк., 2003. — 299 с. — ISBN 985-06-0905-2.
- ↑ Россия. Полное географическое описание нашего отечества. Т. 9. СПб., 1905.
- ↑ Памятная книжка Могилёвской губернии на 1912 год.
- ↑ МОГИЛЕВСКИЕ ЕВРЕИ В КУЛЬТУРЕ И ИСКУССТВЕ Архівавана 5 жніўня 2019.
- ↑ Музей этнографии
- ↑ Музей этнографии // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.
Спасылкі[правіць | правіць зыходнік]
На Вікісховішчы пакуль няма медыяфайлаў па тэме, але Вы можаце загрузіць іх
