Лейтан Бейнс

З пляцоўкі Вікіпедыя
Jump to navigation Jump to search
Футбол
Лейтан Бейнс
Baines Leighton 126176 (cropped).jpg
Агульная інфармацыя
Поўнае імя Лейтан Джон Бейнс
Мянушка Бейнсі (англ.: Bainesy)
Нарадзіўся 11 снежня 1984(1984-12-11)[1][2] (35 гадоў)
Грамадзянства Flag of England.svg Англія
Рост 170 см
Вага 74 кг
Пазіцыя левы абаронца
Інфармацыя пра клуб
Клуб завяршыў кар’еру
Кар’ера
Маладзёжныя клубы
Англія Ліверпул
Англія Эвертан
Клубная кар’ера*
2002 — 2007 Англія Уіган Атлетык 145 (4)
2007 — 2020 Англія Эвертан 348 (29)
Нацыянальная зборная**
2004 — 2007 Англія Англія (да 21) 16 (1)
2010 — 2015 Англія Англія 30 (1)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 5 верасня 2020.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 5 верасня 2020.

Лэ́йтан Джон Бейнс (англ.: Leighton John Baines; нар. 11 снежня 1984, Керкбі, Англія) — англійскі футбаліст, абаронца, вядомы па выступах за «Эвертан». Ігрок нацыянальнай зборнай Англіі (2010—2015).

Клубная кар’ера[правіць | правіць зыходнік]

«Уіган Атлетык»[правіць | правіць зыходнік]

Першым прафесійным клубам Бейнса стаў «Уіган Атлетык». За час выступаў футбаліста за клуб, «Уіган» здолеў двойчы рушыць наперад у больш высокую лігу і ў выніку прайшоў шлях ад Другога дывізіёна да Прэм’ер-лігі.

«Эвертан»[правіць | правіць зыходнік]

Улетку 2007 года Бейнс перайшоў у стан «Эвертана»[3]. Паводле ацэнак СМІ трансфер футбаліста абыйшоўся клубу ў 5-6 мільёнаў еўра[4]. У сваім першым сезоне за новы клуб Бейнс атрымаў няшмат гульнявой практыкі, правёўшы толькі 29 матчаў ва ўсіх спаборніцтвах за «Эвертан», з-за траўмы і добрай формы Філа Джагелкі і Джозефа Ёбы. У яго другі сезон назіраўся рост гульнявога часу ў сувязі з траўмай Ёбы, у той час як Джолеан Лескат перайшоў гуляць у цэнтр абароны. Дзякуючы гэтым абставінам Бейнс заняў левы фланг абароны каманды. У гэтым сезоне Лейтан двойчы прызначаўся іграком месяцу «Эвертану» запар.

Бейнс забіў свой першы за «Эвертан» у браму «Портсмута» 21 сакавіка 2009 года, на Фрэтан Парк. 30 жніўня 2009 года ён забіў на апошняй хвіліне з пенальці ў пераможным матчы супраць сваёй былой каманды «Уіган Атлетык». Праз месяц ён выйшаў на пляцоўку з капітанскай повяззю ў матчы Лігі Еўропы супраць грэчаскага АЕКа. У сезоне 2010/11 Бейнс правёў кожную хвіліну за «Эвертан» у матчах Прэм’ер-лігі[5], а таксама забіў сем галоў ва ўсіх спаборніцтвах за клуб. Яго ўнёсак быў узнагароджаны прызам як лепшаму гульцу клуба паводле вынікаў сезона[6].

Завяршыў кар’еру ў ліпені 2020 года.

Міжнародная кар’ера[правіць | правіць зыходнік]

Дэбют футбаліста ў афіцыйным матчы за зборную адбыўся 4 чэрвеня 2011 года ў матчы адборачнага турніру да чэмпіянату Еўропы 2012 года супраць зборнай Швейцарыі. Бейнс быў адным з прэтэндэнтаў на ўдзел на чэмпіянаце свету 2010 года, аднак у выніковы склад не патрапіў.

Асабістае жыццё[правіць | правіць зыходнік]

Лейтан мае траіх дзяцей разам са сваёй жонкай Рэйчэл[7].

Зноскі

Спасылкі[правіць | правіць зыходнік]