Леон Нейл Купер

Леон Нейл Купер
Leon Neil Cooper
Дата нараджэння	28 лютага 1930(1930-02-28)[…] (93 гады)
Месца нараджэння	Нью-Ёрк, Нью-Ёрк, ЗША
Грамадзянства	ЗША
Род дзейнасці	фізік, выкладчык універсітэта
Навуковая сфера	тэарэтычная фізіка
Месца працы	Браўнаўскі ўніверсітэт[d] Ілінойскі ўніверсітэт ва Урбана-Шампейн
Навуковая ступень	дактары філасофіі
Альма-матар	Калумбійскі ўніверсітэт Старэйшая школа (Бронкс) з паглыбленым вывучэннем навук[d]
Навуковы кіраўнік	Роберт Сербер[d]
Член у	Нацыянальная акадэмія навук ЗША Амерыканскае фізічнае таварыства Амерыканская акадэмія мастацтваў і навук Амерыканскае філасофскае таварыства Амерыканская асацыяцыя садзейнічання развіццю навукі
Узнагароды	Нобелеўская прэмія па фізіцы (1972)
Медыяфайлы на Вікісховішчы

Леон Нейл Купер (англ.: Leon Neil Cooper; нар. 28 лютага 1930 года, Нью-Ёрк, ЗША) — амерыканскі фізік, лаўрэат Нобелеўскай прэміі па фізіцы (1972), сумесна з Джонам Бардзінам і Джонам Шрыферам «за стварэнне тэорыі звышправоднасці, звычайна званай БКШ-тэорыяй». Імем Купера названы электронныя пары Купера. У 2006 годзе з’яўляецца прафесарам Універсітэта Браўна.

Скончыў навуковую школу Бронкса ў 1947 годзе. Пасля гэтага вучыўся ў Калумбійскім універсітэце, дзе атрымаў ступені бакалаўра, магістра і, у 1954 годзе, доктара. Затым Купер працуе ў Інстытуце перспектыўных даследаванняў, выкладае ў Ілінойскім універсітэце ва Урбане-Шампейн, а таксама ва Універсітэце штата Агая. У 1958 годзе пераходзіць ва Універсітэт Браўна. З’яўляецца членам Амерыканскага фізічнага таварыства, Амерыканскай акадэміі навук і мастацтваў, членам Натуральнай акадэміі навук, Амерыканскага філасофскага таварыства, удзельнічае ў даследчай праграме па нейронавай навуцы.

З 1959 па 1966 год быў лаўрэатам гранта фонду Гугенхейма. Праводзіў даследаванні ў розных інстытутах, уключаючы Інстытут перспектыўных даследаванняў і ЦЕРН. Яго прафесура ва ўніверсітэце Браўна спансуецца фондам Томаса Уотсана. Купер з’яўляецца таксама дырэктарам інстытута па мазгавым і нейронавых сістэмах. Аўтар нестандартнага падручніка па фізіцы, першапачаткова выпушчанага пад назвай «Уводзіны ў сутнасць і структуру фізікі», і да гэтага часу выпускаецца ў крыху скарочанай форме пад назвай «Фізіка: Структура і значэнне».

Спасылкі

• Інфармацыя з сайта Нобелеўскага камітэта (англ.)
• Дзейнасць Купера ва ўніверсітэце Браўна (англ.)
• Адзнака прафесара Купера Крытычным аглядам(недаступная спасылка) (англ.)