Леспедэза двухколерная

З пляцоўкі Вікіпедыя
Jump to navigation Jump to search
Леспедэза двухколерная
Lespedeza ja01.jpg
Навуковая класіфікацыя
Міжнародная навуковая назва

Lespedeza bicolor Turcz.

Сінонімы
Гл. тэкст
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  25895
NCBI  556514
EOL  643223
GRIN  t:21847
IPNI  502415-1
TPL  ild-31194

Леспедэза двухколерная[3][4] (Lespedeza bicolor) — від кветкавых раслін роду Леспедэза (Lespedeza) сямейства Бабовыя (Fabaceae).

Батанічнае апісанне[правіць | правіць зыходнік]

Прамы куст 1-3 м вышынёй і столькі ж шырынёй, у халодным клімаце расліны дасягаюць меншых памераў. За адзін сезон расліна бывае здольная вырасці на 1, 5 м. Фармуе магутную каранёвую сістэму. Сцеблы могуць дасягаць 3 см у дыяметры. Галіны злёгку апушаныя. Лісце трохчленнае, цэнтральны ліст дасягае 1,5—6 см у даўжыню і 1-3,5 см у шырыню. Ніжні бок лісця ярка-зялёны, апушаны.

Пурпурныя матыльковыя кветкі, сабраныя ў пазухавыя доўгія, выгнутыя мяцёлкі, што з'яўляюцца з ліпеня па верасень (да 15 кветак у суквецці). Чашачка 0,5 см даўжынёй, тры яе чашалісціка маюць невялікую даўжыню. Пялёсткі могуць дасягаць 1 см у даўжыню, яны пурпурнога або, радзей, белага колеру. Завязь апушаная, памерам 1 × 0,5 см.

Плод — плоскі аднанасенны боб каля 1 см даўжынёй[5].

Арэал[правіць | правіць зыходнік]

Леспедэза двухколерная шырока распаўсюджаная ў Кітаі, а таксама суседніх з ім рэгіёнах Расіі, у Японіі, Карэі і, магчыма, Манголіі. Расце на лясных ускраінах і ў гушчарах на вышыні ад 100 да 1000 м над узроўнем мора.

Асаблівасці хімічнага складу[правіць | правіць зыходнік]

Леспедэза двухколерная змяшчае ў сваіх каранях і лісці буфатэнін, I-метоксі-N,N-дыметылтрыптамін (леспедамін), таксама як і роднасныя Nω,Nω-дыметылтрыламіны і іх аксіды[6].

Гаспадарчае значэнне і прымяненне[правіць | правіць зыходнік]

Леспедэзу двухколерную саджаюць для папярэджання эрозіі глебы. Магчыма атрыманне алею з яе насення, сцеблы могуць прымяняцца для ткацтва, адвар лісця выкарыстоўваюць як чай. У Цэнтральнай Еўропе і ЗША расліна культывуецца ў парках і садах ў дэкаратыўных мэтах. Выведзена мноства сартоў, найбольш вядомыя 'Little Buddy' і 'Yakushima'. Утвараючы шчыльныя скапленні, гэты від можа станавіцца агрэсіўным пустазеллем. У ЗША, дзе гэты від з'яўляецца інтрадукаваным, ён стаў інвазіўным[5].

Сінаніміка[правіць | правіць зыходнік]

Зноскі

  1. Ужываецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 74. — 160 с. — 2 350 экз.
  4. Леспедэза двухколерная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)  (Праверана 16 студзеня 2020)
  5. 5,0 5,1 Gucker, Corey L. (2010) Lespedeza bicolor. In: Fire Effects Information System, [Online]. U.S. Department of Agriculture, Forest Service, Rocky Mountain Research Station, Fire Sciences Laboratory. Retrieved 11-25-2011.
  6. Morimoto & Oshio (1965), Morimoto & Matsumoto (1966)
  7. Леспедэза двухколерная: звесткі пра назву таксона на сайце The Plant List (version 1.1, 2013).(англ.)  (Праверана 16 студзеня 2019)

Літаратура[правіць | правіць зыходнік]

  • Puhua Huang, Hiroyoshi Ohashi, Tomoyuki Nemoto: Lespedeza. In: Wu Zhengyi, Peter H. Raven (Hrsg.): Flora of China. Bd. 10, Missouri Botanical Garden Press, St. Louis 1994+, стар 306 (eFloras.org).
  • Andreas Bärtels: Enzyklopädie der Gartengehölze. Ulmer Verlag, Stuttgart 2001, ISBN 3-8001-3198-6, S. 379

Спасылкі[правіць | правіць зыходнік]

  • Леспедеца двуцветная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)  (Праверана 27 жніўня 2012)