Талом накіпны, суцэльны, ад арэаляванага да бародаўчата-арэаляванага або зярністага, парэпаны, альбо апушчаны ў субстрат і непрыкметны. Падслаявіна чорная ці сіне-чорная, выразная, можа адсутнічаць. Апатэцыі звычайна круглыя, сядзячыя са звужанай асновай або напаўапушчаныя, плоскія або выпуклыя, з добра развітым выпуклым краем, голыя або з налётам, чорныя ці чырвона-карычневыя. Слаявінны край адсутнічае. Сумкі булавападобныя, таўстасценныя, маюць 8 спор. Споры аднаклетачныя, мала калі бясколерныя, ад эліпсоідных да шырокаавальных і яйцападобных, таўстасценныя.
