Леў Абрамавіч Альпяровіч

Леў Абрамавіч Альпяровіч
Дата нараджэння	4 (16) снежня 1874
Месца нараджэння	Куранец, Куранецкая воласць[d], Вілейскі павет, Віленская губерня, Расійская імперыя
Дата смерці	1913
Месца смерці	Мінск, Мінскі павет, Мінская губерня, Расійская імперыя
Род дзейнасці	мастак
Жанр	партрэт і пейзаж
Вучоба	Адэскае мастацкае вучылішча імя М. Б. Грэкава[d] (1896) Імператарская Акадэмія мастацтваў (1902)
Уплыў	Іван Пятровіч Трутнеў і Ілья Яфімавіч Рэпін
Медыяфайлы на Вікісховішчы

Леў Абрамавіч Альпяровіч (4 (16) снежня 1874, Куранец, Віленская губерня — 1913, Мінск) — жывапісец.

Біяграфія

Вучыўся ў Вільні ў мастацкай школе акадэміка Івана Трутнева (1890—1892). Скончыў Адэскую рысавальную школу (1896) і Пецярбургскую Акадэмію мастацтваў (1902). Вучань І. Рэпіна.

Пасля заканчэння Акадэміі мастацтваў жыў і працаваў у Мінску. Выкладаў у Мінскім прыватным мужчынскім яўрэйскім рэальным вучылішчы (1912—1913). Удзельнік выставак з 1902.

Памёр у Мінску.

Творчасць

Пісаў партрэты, пейзажы, бытавыя кампазіцыі. Паслядоўна адстойваў прынцыпы рэалізму. Яго творы («Вечар у сям’і», «Краўчыха», «Муляры», «Прачка», «Партрэт старой», «Партрэт музыканта Жухавіцкага», «Дзяўчына ў чырвонай шалі») блізкія да твораў перасоўнікаў. Многія працы маюць характар ​​незавершаных эскізаў («Падпольная сходка», «Мыццё бялізны» і інш.) Творы Альпяровіча найбольш поўна (230 работ) былі прадстаўлены на персанальнай выстаўцы ў Мінску ў 1939.

Некалькі прац мастака захоўваецца ў Нацыянальным мастацкім музеі Рэспублікі Беларусь.

• 
  На каменяломні. Сярэдзіна 1900-х, палатно, алей
• 
  Партрэт дзяўчынкі, 1910-я. Папера, вугаль. 35,5х27,5
• 
  Жанчына ля мора. 1905, палатно, алей, 42,7х57,3

Літаратура

• Энцыклапедыя літаратуры і мастацтва Беларусі в 5-ти томах. Т.1, стр.94.
• Леў Альпяровіч. З серыі «Славутыя мастакі з Беларусі». Аўтар тэксту і складальнік В. У. Вайцяхоўская. Мінск. Выдавецтва « Беларусь». 2014. З іл.

Спасылкі

• Альперович Лейба (Лев) Абрамович Архівавана 3 снежня 2013. (руск.)
• Минский художник Альперович Лев (Лейба) Абрамович (нявызн.). Соцреализм. Киевский клуб коллекционеров.