Леў Міхайлавіч Сапега

Не блытаць з Львом Іванавічам Сапегам — вялікім канцлерам літоўскім.

Леў Міхайлавіч Сапега
Браты Леў і Мікалай Сапегі (каля 1709)
3-і суддзя земскі гарадзенскі[d] 27 жніўня 1590 — 1610
Папярэднік	Рыгор Масальскі[d]
Пераемнік	Кандрат Мялешка[d]
Нараджэнне	XVI стагоддзе
Смерць	не раней за 20 жніўня 1610 і не пазней за 20 верасня 1610
Род	Сапегі
Бацька	Міхаіл Янушавіч Сапега[d]
Маці	Марына з Быстрэйскіх[d]
Жонка	Ганна з Гарабурдаў[d]
Грамадзянства	Рэч Паспалітая

Леў Сапега (да 1555 — паміж 20 жніўня і 20 верасня 1610) — суддзя земскі гарадзенскі (з 1590).

Біяграфія

З чарэйска-ружанскай лініі Сапегаў, сын Міхаіла і Марыны з Быстрэйскіх, брат Мікалая, вялікага кухмістра літоўскага.

У 1581 годзе збіраў падаткі ў Віцебскім ваяводстве. У 1584 годзе атрымаў урад войскага віцебскага, у 1590 — суддзі земскага гарадзенскага. У 1598 годзе дэпутат Трыбунала ВКЛ.

Перайшоў з праваслаўя ў кальвінізм.

Сям’я

У шлюбе з Аленай, дачкой вялікага пісара Міхаіла Гарабурды, дзяцей не было. Асноўныя свае маёнткі запісаў пляменнікам Яну Дамініку, Мікалаю і Фрыдэрыку Мікалаевічам Сапегам, з умовай выплаты 4000 коп літоўскіх грошаў жонцы.

Літаратура

• Семянчук Г. М. Чарлёна — двор Сапегаў над Нёманам у XVI—XVII стст. / Установа "Музей «Замкавы комплекс „Мір“»"; пад рэд. А. М. Янушкевіча. — Магнацкі двор і сацыяльнае ўзаемадзеянне (XV—XVIII стст.) : зборнік навуковых прац. — Мн.: Медысонт, 2014. — С. 372—394.