Леў Паўлавіч Ахоцін

Леў Паўлавіч Ахоцін
руск.: Лев Павлович Охотин
Нараджэнне	9 студзеня 1911(1911-01-09) Чыта, Расійская імперыя
Смерць	1948 Хабараўскі край, СССР
Імя пры нараджэнні	руск.: Лев Павлович Охотин
Партыя	Расійская фашысцкая партыя
Член у	Бюро па справах расійскіх эмігрантаў у Маньчжурскай імперыі[d]
Дзейнасць	палітык
Аўтограф
Медыяфайлы на Вікісховішчы

Леў Паўлавіч Ахоцін (1911, Чыта — 1948, Хабараўскі край) — член Вярхоўнага Савета Усерасійскай фашысцкай партыі, створанай эмігрантамі ў Маньчжурыі.

Біяграфія

Нарадзіўся ў Чыце у сям’і вайскоўца. У 1916 годзе бацька Л. П. Ахоціна — паручнік Ахоцін П. памёр. Маці Л. П. Ахоціна — Надзея Міхайлаўна ў 1919 годзе выйшла замуж за начальніка пляцоўкі чыцінскай паліцыі Аляксандра Пятровіча Мельнікава. У жніўні 1920 года сям’я эмігравала з РСФСР у Маньчжурыю.

У Харбіне ў 1932 годзе Л. П. Ахоцін упершыню ўбачыў К. У. Радзаеўскага падчас даклада ў Рускім клубе. У канцы 1933 годзе, быўшы студэнтам Харбінскага педагагічнага інстытута, уступіў у Рускую фашысцкую партыю і заставаўся яе членам да 1943 года. У 1934 годзе адбылося асабістае знаёмства Ахоціна з Радзаеўскім.

З 1935 года быў справаводам, а потым начальнікам канцылярыі УФП. У канцы 1936 года прызначаны начальнікам арганізацыйнага аддзела УФП. Жонка Ахоціна — Ніна Рыгораўна узначальвала Расійскі Жаночы Фашысцкі Рух.

Ахоцін з 1937 па 1943 год уваходзіў у склад Вярхоўнага Савета УФП.

7 верасня 1945 года Ахоцін быў арыштаваны супрацоўнікамі савецкай ваеннай контрвыведкі, а праз год асуджаны на адным працэсе з атаманам Рыгорам Сямёнавым, Канстанцінам Радзаеўскім і іншымі. Быў асуджаны на 15 гадоў катаржных работ.

Памёр у 1948 годзе на лесапавале ў Хабараўскім краі, адбыўшы там у зняволенні два гады з пятнаццаці.

Літаратура

• Окороков А. В. Фашизм и русская эмиграция (1920—1945 гг.). — М.: Руссаки, 2002. — 593 с. — ISBN 5-93347063-5.
• Родзаевский К. В. Завещание русского фашиста. — М.: ФЭРИ-В, 2001. — 512 с. — ISBN 5-94138-010-0.
• Смирнов А. А. Казачьи атаманы. — М.: Олма-пресс, 2002. — 544 с. — ISBN 5-224-03964-9.
• Стефан Д. Русские фашисты: Трагедия и фарс в эмиграции, 1925—1945 = The Russian Fascists: Tragedy and Farce in Exile, 1925—1945. — М.: Слово, 1992. — 441 с. — ISBN 5-85050-314-5.
• John J. Stephan. The Russian Fascists: Tragedy and Farce in Exile, 1925—1945. — New York: Harper & Row, 1978. — 450 p. — ISBN 0-06-014099-2.