Лодзьская архідыяцэзія

Лодзьская архідыяцэзія
Рымскі абрад
Галоўны горад	Лодзь
Краіна	Польшча
Дата заснавання	25 сакавіка 1992
Кафедральны сабор	Архікатэдральная базіліка Св. Станіслава Косткі ў Лодзі[d]
Мітраполія	Лодзьская мітраполія[d]
Тытул іерарха	Арцыбіскуп лодзьскі[d]
Іерарх	Гжэгаж Рысь[d]
Плошча дыяцэзіі	5 200 км²
Насельніцтва дыяцэзіі	▼1 410 000 чал. (2019)
Колькасць каталікоў	1 330 000
Афіцыйны сайт	archidiecezja.lodz.pl
Карта
Медыяфайлы на Вікісховішчы

Лодзьская архідыяцэзія (лац.: Archidioecesis Lodziensis, польск.: Archidiecezja łódzka) — дыяцэзія Рымска-Каталіцкай царквы з цэнтрам у горадзе Лодзь (Польшча).

Гісторыя

Касцёлы ў Ленчыцкім краі (дзе знаходзіцца Лодзь) існавалі з XI стагоддзя. Першы касцёл у Лодзі быў пабудаваны ў 1364–1366 гадах, але першая згадка пра фарны касцёл паходзіць з 1424 году. Спачатку Лодзь належала да Гнезненскай дыяцэзіі, з 1765 году да Улоцлаўскай дыяцэзіі, а з 1818 года да Варшаўскай дыяцэзіі. Толькі 10 снежня 1920 года Папа Бенедыкт XV заснаваў Лодзьскую дыяцэзію, якая мела 5 дэканатаў, 67 парафій, 126 святароў і больш за 500 тыс. вернікаў.

Першым біскупам стаў 11 красавіка 1921 года ксёндз Вінцэнт Тымянецкі. У 1925 годзе Пій XI увёў новую адміністрацыю ў польскім Касцёле, што прывяло да пашырэння Лодзьскай дыяцэзіі, якая з таго часу налічвала 105 парафій, 195 святароў і амаль 1 мільён вернікаў. У 1934 годзе, пасля смерці Вінцэнта Тымянецкага, новым біскупам стаў Уладзімір Ясінскі. Калі ў 1939 годзе пачалася Другая сусветная вайна, большасць святароў былі дэпартаваныя ў канцагер Дахаў. У 1939–1945 гадах загінула 155 святароў з Лодзьскай дыяцэзіі. Пасля вайны біскуп Ясінскі пакінуў пасаду і яго змяніў Міхал Клепач, які кіраваў да 1967 года. Яго змяніў Юзаф Развадоўскі. У 1986 годзе ён выйшаў на пенсію, і яго пасаду заняў Уладзіслаў Зёлэк. 13 чэрвеня 1987 года Ян Павел ІІ наведаў Лодзь. Ён жа шляхам адміністратыўнай рэформы Касцёла ў Польшчы, уведзенай 25 сакавіка 1992 года, узвёў Лодзь да рангу архідыяцэзіі.

Лодзьская архідыяцэзія сёння мае адзін з найменшых у Польшчы адсоткаў практыкуючых вернікаў. Паводле звестак Інстытута статыстыкі Каталіцкага Касцёла за 2013 год, удзел вернікаў у нядзельных набажэнствах у гэтай дыяцэзіі склаў 26,5 %, што ставіць яе на трэцяе месца з канца ва ўсёй Польшчы.

Спасылкі

• На Вікісховішчы ёсць медыяфайлы па тэме Лодзьская архідыяцэзія