Луара Гургенаўна Айрапецян

Луара Айрапецян
арм.: Լուարա Գուրգենի Հայրապետյան руск.: Луара Гургеновна Айрапетян
Асноўная інфармацыя
Поўнае імя	Луара Гургенаўна Айрапецян
Дата нараджэння	29 верасня 1997(1997-09-29) (28 гадоў)
Месца нараджэння	Астрахань, Астраханская вобласць, Расія
Краіна	Расія, Арменія
Музычная дзейнасць
Прафесіі	спявачка
Гады актыўнасці	з 2004
Інструменты	вакал
Жанры	поп-музыка
Псеўданімы	Лара
luaramusic.net

Луара Гургенаўна Айрапецян (арм.: Լուարա Հայրապետյան; нар. 29 верасня 1997, Астрахань, Расія) — расійская і армянская спявачка, лаўрэат шэрагу міжнародных музычных конкурсаў. Вядомая таксама пад псеўданімам Лара. Прадстаўляла Арменію на Дзіцячым Еўрабачанні 2009 і заняла другое месца.

Біяграфія

Луара Айрапецян пачала займацца вакалам і бальнымі танцамі ўжо ў чатыры гады. Нягледзячы на юны ўзрост, не раз ставала пераможцам розных усерасійскіх і міжнародных конкурсаў. У 2003 годзе заваявала Гран-пры ў намінацыі «Маленькае дзіва» на міжнародным фестывалі «Вясёлка» ў Валгаградзе. У 2005 годзе за поспехі ў вобласці мастацтва і мастацкай творчасці стала стыпендыятам Урада Астраханскай вобласці. У 2006 годзе была ганаравана Гран-пры на Усерасійскім конкурсе эстраднай песні ў г. Туапсэ, а таксама ўзяла ўдзел у расійскім адборачным конкурсе дзіцячага «Еўрабачання 2006», у якім заняла другое месца пасля сясцёр Талмачовых, якія выйгралі пасля і фінал конкурсу.

У 2008 годзе стала пераможцай дзіцячага музычнага конкурсу міжнароднага фестывалю мастацтваў «Славянскі Базар 2008» і ўпершыню брала ўдзел у нацыянальным адборы на дзіцячы конкурс Еўрабачанне ад Арменіі. У 2009 годзе яна зноў паспрабавала адабрацца на дзіцячае «Еўрабачанне» ў Арменіі. У тым годзе апроч Луары Айрапецян за права прадстаўляць Арменію ў фінале змагаліся яшчэ шэсць маладых выканаўцаў — Ангел Петрасян, Джулі Берберан і Ліка Мушэгян, гурт «Чэрмак ампікнер» (Белыя аблокі), гурт «Урах хаханджнер» (Вясёлы перазвон), гурт «Зонгах» (Звон) і Разік Агаджанян. Пераможац нацыянальнага адбору вызначаўся шляхам галасавання тэлегледачоў і журы падчас прамога эфіру Грамадскага тэлебачання Арменіі. Ім стала Луара Айрапецян, што выканала песню ўласнага складання пра іспанскі футбольны клуб «Барселона».

У фінале конкурсу, які прайшоў у Кіеве, Луара Айрапецян заняла другое месца, падзяліўшы яго з удзельніцай з Расіі Кацяй Рабавай. У выніку галасавання тэлегледачоў і журы яны абедзве набралі па 116 балаў і адсталі на 5 балаў ад пераможца з Нідэрландаў Ральфа Макенбаха.

У снежні 2009 года Луара Айрапецян заняла другое месца ў міжнародным конкурсе «Дзіцячая Новая хваля-2009».

З 2011 года жыве ў Лос-Анджэлесе.

Спасылкі

• Афіцыйны сайт дзіцячага конкурсу песні Еўрабачанне
• Профіль на сайце Esckaz.com
• Профіль на сайтц Ballroom.ru Архівавана 31 ліпеня 2017.