Лугавое (возера)
| Лугавое возера | |
|---|---|
 | |
| Морфаметрыя | |
| Вышыня над узроўнем мора | 165,5 м |
| Даўжыня | 1,18 км |
| Шырыня | 0,55 км |
| Плошча | 0,4 км² |
| Аб’ём | 0,00162 км³ |
| Даўжыня берагавой лініі | 3,39 км |
| Найбольшая глыбіня | 12,9 м |
| Сярэдняя глыбіня | 4,1 м |
| Гідралогія | |
| Тып мінералізацыі | прэснае |
| Салёнасць | 0,215 ‰ |
| Празрыстасць | 1 м |
| Басейн | |
| Плошча вадазбору | 224 км² |
| Упадаюць | рака Усыса |
| Выцякаюць | рака Усыса |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Лугавое возера |
|
|
|
|
 Лугавое возера |
|
 |
|
 Медыяфайлы на Вікісховішчы | |
Лугавое возера — возера ў Беларусі, у Гарадоцкім раёне Віцебскай вобласці на паўднёва-заходняй ускраіне горада Гарадок.
Плошча возера 0,4 км², даўжыня 1,18 км, найбольшая шырыня 0,55 км. Сярэдняя глыбіня возера 4,1 м, найбольшая — 12,9 м. На глыбіні да 2 метраў прыходзіцца 28 % плошчы возера. Берагавая лінія звілістая даўжынёй 3,39 км. Вадазбор у межах Гарадоцкага ўзвышша. Плошча вадазбору 224 км².
Катлавіна возера лопасцевай формы. Схілы стромкія пясчаныя і супясчаныя вышынёй да 14 м, на поўдні да 20 м, часткова занятыя хваёвым лесам. На схілах катлавіны абразійны ўступ вышынёй 1—1,5 м. На поўначы і паўночным захадзе два залівы.
Берагі нізкія. Дно пясчанае і глеістае.
Возера эўтрофнае, праточнае. Праз возера працякае рака Усыса, злучае яго з возерам Арэхавае. Надводная прыбярэжная расліннасць распаўсюджана да глыбіні ў 1,5 м перарывістай палосай на адлегласці да 20 метраў ад берага. Падводная расліннасць распаўсюджваецца да глыбіні 2,5 м. Паўднёва-заходні заліў зарастае гарлачыкамі.
У возеры водзяцца шчупак, карась, гусцяра, плотка, акунь, мянтуз і іншыя віды рыб.
Літаратура[правіць | правіць зыходнік]
- Блакітны скарб Беларусі: энцыклапедыя / рэдкал. Г. Пашкоў і інш. — Мн., 2007. — 480 с.
- Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
- Лугаво́е возера // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 356. — 10 000 экз. — ISBN 985-11-0035-8. — ISBN 985-11-0155-9 (т. 9).
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 22. — 72 с. — 10 000 экз. — ISBN 978-985-508-136-5. (руск.)