Лугвенавічы

Лугвенавічы Мсціслаўскія — княжацкі род у Вялікім Княстве Літоўскім, галіна Альгердавічаў. Паходзяць ад сына Альгерда Лугвена, які пасля смерці брата Карыгайлы ў 1390 годзе атрымаў Мсціслаўскае княства.

Вядомыя прадстаўнікі

• Лугвен Альгердавіч
  • Юрый (1395?—1458?), сын Лугвена ў шлюбе з Марыяй, дачкой вялікага князя маскоўскага Дзмітрыя Іванавіча.
    • Іван (? — да 1489), валодаў Мсціславам, Цяцерынам, Княжыцамі, Паповай Гарой, Дрокавам і іншымі валасцямі, магчыма, Магілёвам.
      • Анастасія, каля 1496 выйшла замуж за князя слуцкага Сямёна Міхайлавіча Алелькавіча.
      • Ульяна, каля 1499 года выйшла замуж за князя Міхаіла Іванавіча Заслаўскага, вялікі князь Аляксандр перадаў яму частку Мсціслаўскага княства, ад іх паходзіць пазнейшы род князёў Мсціслаўскіх.
  • Яраслаў Фёдар (1411—1435), сын Лугвена ў другім шлюбе. Загінуў у бітве пад Вількамірам на баку Свідрыгайлы.

Літаратура

• Мяцельскi А. А. Мсціслаўскае княства і ваяводства ў XII—XVIII стст. — Мн.: Беларуская навука, 2010. — 664 с.
• Вячаслаў Насевіч. Мсціслаўскія // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 592 с. — 10 000 экз. — ISBN 985-11-0141-9.
• Вячаслаў Насевіч. Мсціслаўскія, Лугвенавічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 324. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

• На Вікісховішчы ёсць медыяфайлы па тэме Лугвенавічы