Лугвен, князь літоўскі

З пляцоўкі Вікіпедыя
Перайсці да: рух, знайсці

Лугвен, Лугвень, Лонгвін (сяр. 13 ст.) — князь літоўскі, шурын Міндоўга.

Упершыню згадваецца (Лековнии, Лонъкогвенъ) ў 1244 г. Галіцка-Валынскім летапісам, калі ваяваў вакол Мельніцы — адступаючы са здабычай праз Пінскае княства, нягледзячы на прапярэджанне ад пінскага кн. Міхаіла, атрад Лугвеня быў разбіты пагоняй галіцка-валынскіх князёў, сам Лугвен быў паранены, але ўцёк. Паводле Лівонскай старэйшай рыфмаванай хронікі, відаць, гэтай паразаю хацелі скарыстацца тры браты, літоўская баяры або князькі — Тушэ, Мільгерын і Гінгейка, але Лунгвен (Lengewin) з дапамогаю Міндоўга падавіў іх выступленне, хаця пры гэты загінуў родны брат Лугвеня. Тымчасова Лунгвен меў уласную дружыну з 500 ваяроў і двор-замак з чэляддзю.

Верагодна, удзельнічаў у паходзе Міндоўга на Жамойць і аблозе вікінтава горада Цвірамета, бо, паводле Галіцкага-Валынскага летапісу, абложаны у Варуце Міндоўг ноччу высылае з войскам з Варуты свайго шурына, які разагнаў рускіх і ятвягаў.

Згадваецца як сведка (Langwinus sororius noster — Лугвен сестрын наш) у падробленай грамаце Міндоўга ад 1260 г.

Літаратура[правіць | правіць зыходнік]

  • Шаланда А. Баярства Міндоўга: склад і паходжанне // ГЕРОЛЬД LITHERLAND № 1-2 (9-10). Горадня, 2003. Год ІІІ. С. 15-16.