Луіза Буржуа

Буржуа, Луіза
фр.: Louise Bourgeois
Імя пры нараджэнні:	Луіза Жазэфіна Буржуа
Дата нараджэння:	25 снежня 1911(1911-12-25)
Месца нараджэння:	Парыж, Францыя
Дата смерці:	31 мая 2010(2010-05-31) (98 гадоў)
Месца смерці:	Нью-Ёрк, ЗША
Месца пахавання:	Cutchogue Cemetery[d]
Грамадзянства:	ЗША
Муж:	Robert Goldwater[d]
Дзеці:	Jean-Louis Bourgeois[d]
Жанр:	скульптура, жывапіс, графіка, інсталяцыя
Вучоба:	Ліцэй Фенелона; Сарбона, Парыж; Школа Луўра (англ.), Парыж; майстэрня Ражэ Бісьера пры акадэміі Рансона, Парыж; Académie of D’Espagnat; Школа вытанчаных мастацтваў (англ.), Парыж; Акадэмія Гранд Шам'ер, Парыж; Акадэмія Жуліяна, Парыж; Académie Scandinavie; Мастацкая студэнцкая ліга (англ.), Нью-Ёрк
Стыль:	мадэрнізм, сюррэалізм, абстрактны экспрэсіянізм, фемісцкае мастацтва, confessional art
Вядомыя працы:	Maman (англ.)
Уплыў:	Адзілон Рэдон, П'ер Банар, Макс Эрнст, Гертруда Стайн, Джон Кейдж
Уплыў на:	Ева Гесэ, Брус Наўман, Лінда Бенгліс, Guerrilla Girls (англ.), Сафі Калле, фемісцкае мастацтва, мастацтва інсталяцыі
Узнагароды:	«Залаты леў» Венецыянскай біенале (1999); Імператарская прэмія (1999); Прэмія Вольфа ў мастацтве (2002-2003)
Працы на Вікісховішчы

Луіза Буржуа (фр.: Louise Bourgeois, 25 снежня 1911, Парыж — 31 мая 2010, Нью-Ёрк ) — амерыканскі скульптар, жывапісец і графік французскага паходжання.

Біяграфія

У 1932 Буржуа паступіла ў Сарбону, дзе вывучала матэматыку, ад начартальнай геаметрыі перайшла да геаметрычнага кубізму, пакінула вучобу, вывучала мастацтвазнаўства ў Школе Луўра і ў Школе прыгожых мастацтваў, асісціравала Фернану Лежэ, захапілася левымі ідэямі, сюррэалізмам, канструктывізмам і камунізмам. Наведала Савецкі Саюз. Пачала вывучаць мастацтва ў 1936. У 1938 выйшла замуж за амерыканскага мастацтвазнаўцы Роберта Галдуотэра, эксперта па першабытнаму мастацтву, які стаў першым дырэктарам нью-ёркскага музея першабытнага мастацтва ў 1957. У 1939 разам з мужам пераехала ў Нью-Ёрк. У Амерыцы яна звярнулася да скульптуры. У 1947 Буржуа зрабіла першую вертыкальную скульптуру з дрэва, першая выстаўка яе скульптур прайшла ў 1949 годзе. У 1951 годзе памёр бацька мастачкі, Луіза Буржуа атрымала амерыканскае грамадзянства. З 1966 года стала ўдзельніцай феміністычнага руху. У 1967 годзе Буржуа пачала выкарыстоўваць мармур і бронзу пры стварэнні скульптур. З 1972 мастачка рэгулярна наведвае Італію. У 1973 годзе памёр муж. У 1977 годзе мастачка атрымала ганаровую ступень доктара вытанчаных мастацтваў Ельскага ўніверсітэта. У 1980 годзе Буржуа купляе вялікую студыю ў Брукліне. У 1982 годзе прайшла першая рэтраспектыва мастачкі - у Музеі сучаснага мастацтва ў Нью-Ёрку. У 1985 годзе адбылася першая персанальная выстаўка мастачкі ў Францыі. У 1992 годзе Буржуа паказвае першы скульптурны энвайранмент. У 1993 годзе прадстаўляе ЗША на Венецыянскай біенале. У 2001-2002 ў Эрмітажы прайшла выстаўка работ Буржуа (скульптур, прадметаў і літаграфій).

Літаратура

• Armstrong, Carol (2006). Women Artists at the Millennium. October Books. p. 408. ISBN 0-262-01226-X.
• Herskovic, Marika (2003). American Abstract Expressionism of the 1950s: An Illustrated Survey. New York School Press. p. 372. ISBN 0-9677994-1-4.

Спасылкі

• На Вікісховішчы ёсць медыяфайлы па тэме Луіза Буржуа
• Працы, біяграфія, інфармацыя пра выстаўкі на сайце Hauser & Wirth Gallery
• Cheim & Read Gallery
• ArtNet