Луі Булонь Малодшы

Луі Булонь Малодшы
фр.: Louis de Boullogne
Род дзейнасці	мастак, прыдворны мастак
Дата нараджэння	19 лістапада 1654(1654-11-19)
Месца нараджэння	Парыж, Парыж, рэгіён Іль-дэ-Франс, Метраполія Францыі, Францыя
Дата смерці	21 лістапада 1733(1733-11-21)[…] (79 гадоў)
Месца смерці	Парыж, Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Бацька	Луі Булонь Старэйшы
Дзеці	Jean de Boullonges[d]
Член у	Каралеўская акадэмія жывапісу і скульптуры
Узнагароды і прэміі	Рымская прэмія[d] (27 мая 1673)
Медыяфайлы на Вікісховішчы

Луі дэ Булонь, у літаратуры завецца Малодшым (фр. Louis de Boullogne, le Jeune; 19 лістапада 1654, Парыж — 21 лістапада 1733, там жа) — французскі прыдворны жывапісец, гравёр эпохі барока, прафесар (1693), дырэктар Каралеўскай Акадэміі жывапісу і скульптуры (з 1722).

Біяграфія

Луі дэ Булонь нарадзіўся 19 лістапада 1654 года ў горадзе Парыжы ў сям’і мастака Луі дэ Булоня (поўнага цёзкі), вядомага як Le Vieux (1609—1674). Брат мастака Бона Булоня Старэйшага, вядомага як L’Aîné (1649—1717), і мастачкі Мадлен Булонь (1646—1710).

Першыя ўрокі малявання атрымаў пад кіраўніцтвам свайго бацькі. На 18 годзе жыцця быў удастоены акадэмічнай прэміі і за каралеўскія грошы адпраўлены на вучобу ў Італію. Пасля вяртання ў Парыж працаваў пераважна над рэлігійнымі сюжэтамі. У 1681 годзе стаў членам Каралеўскай Акадэміі жывапісу і скульптуры, у 1693 годзе — прафесарам Акадэміі, у 1722 годзе — яе дырэктарам, а ў 1725 годзе атрымаў тытул «першага каралеўскага жывапісца» Людовіка XV.

Луі дэ Булонь памёр 21 лістапада 1733 г. у родным горадзе.

Сярод яго вядомых вучняў Нікаля Бертэн.