Луі II (князь Манака)

Запыт «Луі II» перанакіроўваецца сюды; гл. таксама іншыя значэнні.

Луі II
Князь Манака Луі II
Князь Манака 27 чэрвеня 1922 — 9 мая 1949
Папярэднік	Альбер I
Пераемнік	Рэнье III
Нараджэнне	12 ліпеня 1870(1870-07-12) Бадэн-Бадэн, Вялікае Герцагства Бадэн, Германія
Смерць	9 мая 1949(1949-05-09) (78 гадоў) Манака
Месца пахавання	Кафедральны сабор Найсвяцейшай Панны Марыі[d]
Род	Грымальдзі[d]
Імя пры нараджэнні	фр.: Louis Honoré Charles Antoine Grimaldi
Бацька	Albert I, Prince of Monaco[d]
Маці	Mary Victoria Douglas-Hamilton[d]
Жонка	Ghislaine Dommanget[d]
Дзеці	у шлюбе: няма па-за шлюбам: Шарлота
Веравызнанне	каталіцтва
Адукацыя	Ваенная школа Сен-Сір Калеж Станіслава ў Парыжы[d]
Манаграма
Ваенная служба
Званне	брыгадны генерал
Бітвы	Першая сусветная вайна
Узнагароды	Кавалер ордэна Хусейна ібн Алі 1 класа Вялікі афіцэр ордэна Ганаровага легіёна Афіцэр ордэна Ганаровага легіёна Кавалер Вялікага крыжа ордэна Залатога льва Насау Ордэн Слана Кавалер Вялікага крыжа ордэна Вежы і Мяча Кавалер Вялікага крыжа ордэна Інфанта дона Энрыке Кавалер Вялікага крыжа ордэна святога Сант'яга і мяча Вялікі крыж ордэна За заслугі перад Італьянскай Рэспублікай Кавалер Вялікага крыжа ордэна Збавіцеля Кавалер Вялікага крыжа ордэна Георга I Ордэн Залатой шпоры Вялікі крыж ордэна Пія IX
Медыяфайлы на Вікісховішчы

Луі II, поўнае імя Луі Анарэ Шарль Антуан Грымальдзі (Louis Honoré Charles Antoine Grimaldi; 12 ліпеня 1870, Бадэн-Бадэн, Германія — 9 мая 1949, Манака) — князь Манака, апошні кіраўнік з роду Грымальдзі-Маціньён.

Біяграфія

Адзіны сын Альбера I (1848—1922) і Вікторыі Марыі Дуглас-Гамільтан (1850—1922), дачкі Уільяма, 11-га герцага Гамільтана і ўнучкі вялікага герцага Карла Бадэнскага. Нарадзіўся пры бадэнскім двары і да Першай сусветнай вайны падтрымліваў цесныя сувязі з нямецкімі сваякамі.

Калі Луі было 10 гадоў, яго бацькі развяліся, і Луі з’ехаў у Германію да айчыма, але неўзабаве быў вымушаны вярнуцца на радзіму для падрыхтоўкі да выканання княжацкіх абавязкаў. З прычыны нацягнутых і халодных адносін паміж імі Луі прыйшлося зноў пакінуць Манака і з’ехаць у Францыю, дзе паступіў у ваенную акадэмію Сен-Сір. Скончыўшы яе, ён паехаў у Алжыр у складзе Замежнага легіёна, дзе сустрэў спявачку з кабарэ, у якую горача закахаўся. Ён не ажаніўся з ёй, ведаючы, што бацька не дасць дазволу на гэты шлюб.

Луі служыў у французскай арміі з 1898 па 1908 год, а падчас Першай сусветнай вайны зноў паступіў у французскую армію, стаўшы адным найвыдатнейшых афіцэраў Пятай Арміі. Ён атрымаў званне брыгаднага генерала і стаў афіцэрам ордэна Ганаровага легіёна.

У 1922 годзе, пасля смерці бацькі, Луі ўзышоў на трон.

У час Другой сусветнай вайны Луі беспаспяхова спрабаваў захаваць нейтралітэт. Двойчы Манака было акупавана: фашысцкай Італіяй і нацысцкай Германіяй. Нягледзячы на тое, што яўрэяў загадзя папярэджвалі пра арышты, палітыка Луі ў гэтым плане была вельмі нерашучай і выклікала абурэнне ў яго спадчынніка Рэнье — зацятага антыфашыста.

Адсутнасць у Луі сыноў стварыла пагрозу дынастычнага крызісу ў Манака. Сутыкнуўшыся з пагрозай акупацыі княства французамі ў выпадку пераходу прастола да найбліжэйшага спадчынніка мужчынскага полу, Вільгельма фон Ураха, Луі ў 1919 годзе прызнаў сваю незаконнанароджаную дачку Шарлоту, якая праз год выйшла замуж за французскага арыстакрата, графа П’ера дэ Паліньяка (1895—1964), які атрымаў у Манака тытул прынца Грымальдзі. У 1946 годзе Луі пабраўся шлюбам з французскай актрысай Жыслен Даманжэ (1900—1991) і з’ехаў у Францыю, дзе памёр у 1949 годзе.

У 1944 годзе яго дачка Шарлота адмовілася ад правоў на прастол на карысць свайго сына, і новым князем стаў яго ўнук Рэнье III.

Галерэя

• 
  Марка Манака. 1928 год. Карл III, Луі II, Альбер I Грымальдзі
• 
  Марка з выявай Луі II, 1941 г.

Спасылкі

• На Вікісховішчы ёсць медыяфайлы па тэме Луі II (князь Манака)
• Princely House of Monaco (англ.)
• Луі II, князь Манака