Львоўскі дзяржаўны ўніверсітэт бяспекі жыццядзейнасці

З пляцоўкі Вікіпедыя
Jump to navigation Jump to search
Львоўскі дзяржаўны ўніверсітэт бяспекі жыццядзейнасці
(ЛДУБЖ)
Львівський університет безпеки життєдіяльності.png
Фасад Університету..jpg
Міжнародная назва: Lviv State University of Life Safety
Дэвіз: Viribus unitis
Заснаваны: 1947
Тып: профільны ўніверсітэт
Рэктар: Коваль Міраслаў Стэфанавіч
Рэктар: Міхаіл Мікалаевіч Козяр[d]
Студэнты: 3500
Юрыдычны адрас: вул. Клепарыўская 35, 79007 Львоў, Украіна
Сайт: ldubgd.edu.ua
Commons-logo.svg Выявы па тэме на Вікісховішчы

Львоўскі дзяржаўны ўніверсітэт бяспекі жыццядзейнасці (укр.: Львівський державний університет безпеки життєдіяльності) — украінская дзяржаўная вышэйшая навучальная ўстанова, размешчаная ў Львове.

Ва ўніверсітэце ажыццяўляецца падрыхтоўка спецыялістаў для падраздзяленняў Дзяржаўнай службы Украіны па надзвычайных сітуацыях, міністэрстваў і ведамстваў, якія займаюцца пытаннямі бяспекі чалавека. Напрамкі падрыхтоўкі: інфармацыйная і транспартная бяспека, пажарная і тэхнагенная бяспека, экалогія і ахова навакольнага асяроддзя, ахова працы і інш.

Структура[правіць | правіць зыходнік]

  • Вучэбна-навуковы інстытут грамадзянскай абароны
  • Вучэбна-навуковы інстытут пажарнай і тэхнагеннай бяспекі
  • Вучэбна-навуковы інстытут псіхалогіі і сацыяльнай абароны
  • Інстытут паслядыпломнай адукацыі
  • Вышэйшае прафесійнае вучылішча
  • Ліцэй грамадзянскай абароны

Гісторыя[правіць | правіць зыходнік]

Будынак універсітэта першапачаткова быў пабудаваны як Дом інвалідаў у 1855-1863 гг. архітэктарам Тэафілам Хансэнам па распараджэнні аўстрыйскага імператара Франца Іосіфа, які быў ўрачыста адкрыты 4 кастрычніка 1863 г. Пабудова прызначалася для ўтрымання і прытулку 500 інвалідаў.

У 1939-1941 гг. у будынку размяшчаўся полк НКУС СССР. Падчас Другой сусветнай вайны будынак не быў пашкоджаны, і 10 жніўня 1944 г. у ім зноў размясцілася вайсковая частка. Па рашэнні Міністэрства ўнутраных спраў СССР у маі 1954 г. тут было размешчана Кіеўскае пажарна-тэхнічнае вучылішча, пазней перайменаванае ў Львоўскае пажарна-тэхнічнае вучылішча МУС СССР.

Распараджэннем Кабінета Міністраў Украіны ад 21 чэрвеня 2001 г. Львоўскае пажарна-тэхнічнага вучылішча МУС Украіны было рэарганізавана ў Львоўскі інстытут пажарнай бяспекі Міністэрства ўнутраных спраў Украіны. Згодна з Указам прэзідэнта Украіны ад 27 студзеня 2003 г. інстытут перайшоў у падпарадкаванне Міністэрства па надзвычайных сітуацыях Украіны.

29 сакавіка 2006 г. распараджэннем Кабінета Міністраў Украіны Львоўскі інстытут пажарнай бяспекі МНС Украіны рэарганізаваны ў Львоўскі дзяржаўны ўніверсітэт бяспекі жыццядзейнасці.

Спасылкі[правіць | правіць зыходнік]