Любжынскае

Любжынскае
Каардынаты: 55°09′35,27″ пн. ш. 29°06′35,36″ у. д.
Краіна	Беларусь
Вышыня над узроўнем мора	136,7 м
Даўжыня	2,32 км
Шырыня	0,25 км
Плошча	0,46 км²
Аб'ём	0.00197 км³
Даўжыня берагавой лініі	5,3 км
Найбольшая глыбіня	10,3 м
Плошча вадазбору	4 км²
Любжынскае
Любжынскае

Любжынскае — возера ва Ушацкім раёне Віцебскай вобласці Беларусі, на мяжы з Бешанковіцкім раёнам. Знаходзіцца за 30 км на ўсход ад Ушачаў, каля вёскі Любжына. Належыць да групы Ушацкіх азёр.

Возера знаходзіцца ў басейне ракі Тураўлянка. Плошча паверхні складае 0,46 км². Найбольшая глыбіня возера 10,3 м. Даўжыня 2,32 км, найбольшая шырыня 0,25 км. Даўжыня берагавой лініі 5,3 км. Аб'ём вады ў возеры складае 1,97 млн м³, плошча вадазбору 4 км².

Катлавіна возера выцягнутая ў напрамку з паўднёвага захаду на паўночны ўсход. Схілы катлавіны маюць вышыню 5—7 м. У ніжняй частцы схілы парослыя хмызняком, у верхняй — разараныя. Берагі возера зліваюцца з схіламі. Дно вадаёма да глыбіні 1,5—2 м высланае пяском, на большых глыбінях — глеем. Шырыня паласы прыбярэжнай надводнай расліннасці складае да 15 м. Расліннасць пашыраныя ў возеры да глыбіні 2 м.

З возера Любжынскае выцякае ручай у возера Паўазер'е. У возеры водзяцца шчупак звычайны, лешч, акунь, плотка, карась.

Літаратура

• Блакітная кніга Беларусі — Мн.: БелЭн, 1994.
• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш.. — Мн.: БелЭн, 1999. — Т. 9. — 560 с. — 10 000 экз. — ISBN 985-11-0155-9.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 30. — 72 с. — 10 000 экз. — ISBN 978-985-508-136-5.(руск.) 
• Республика Беларусь. Витебская область. Ушачский район: карта. Ушачи: план / Редактор: С. Н. Саратова. — Мн.: Белкартография, 2012. — 3 000 экз.(руск.)