Людміла Аляксееўна Карманава

Людміла Аляксееўна Карманава
Людміла Аляксееўна Карманава
Дата нараджэння	13 мая 1940
Месца нараджэння	Вяцкае, Хабараўскі раён[d], Хабараўскі край, РСФСР, СССР;
Дата смерці	14 сакавіка 2024 (83 гады)
Месца смерці	Гомель, Гомельская вобласць, Беларусь;
Дзеці	Наталля Геніеўна Карманава
Альма-матар	БПІ (1967);
Месца працы	Гомельграмадзянпраект[d]; Гомельскі філіял інстытута «Белдзіпрагандаль»[d]; Гомельпраект[d]; БелДУТ;
Член у	Саюз архітэктараў СССР; Беларускі саюз архітэктараў;

Людміла Аляксееўна Карманава (дзявочае Акалелава; нар. 13 мая 1940, с. Вяцкае-на-Амуры, Нанайскі раён, Хабараўскі край^[1] — 14 сакавіка 2024, Гомель) — беларускі архітэктар.

Біяграфія[правіць | правіць зыходнік]

Нарадзілася ў сям’і Аляксея Іванавіча (1914—1987) і Лідзіі Андрэеўны (1919—2006) Акалелавых. Скончыла Беларускі політэхнічны інстытут у 1967 годзе. Працавала галоўным архітэктарам Светлагорскага раёна Гомельскай вобласці, у Гомельграмадзянпраекце, з 1971 года — старшы архітэктар, галоўны архітэктар праектаў у Белдзіпрагандлі^[1], з 1989 года — галоўны архітэктар праектаў у інстытуце «Гомельпраект»^[2].

Пасля выхаду на пенсію працягвала працаваць галоўным архітэктарам праектаў у гомельскіх арганізацыях ПКМ «Будпраект», «Перспектыва-праект», будаўнічай кампаніі «Славія». Выкладала ў Беларускім дзяржаўным універсітэце транспарту. Ветэран працы^[2].

Памерла 14 сакавіка 2024 года пасля хваробы^[2].

Асноўныя працы: пракуратура па вул. Пушкіна (1971), прадмаг у мікрараёне № 11 (1985) у Гомелі, блок збудаванняў Івацэвіцкага РОС^{[удакладніць]} (1980), прадмаг у мікрараёне Бабры (1981), крыты рынак з клеедраўляных канструкцый у Мазыры (1985), адміністрацыйна-бытавы корпус базы «Культгандаль» у Магілёве (1982)^[1], генпланы мікрараёнаў пасёлкаў для чарнобыльскіх перасяленцаў, рэстаран «Ірына» ў Гомелі, офіс з рэстаранам «Стары дом» у Гомелі і многія іншыя^[2].

У шлюбе з інжынерам-будаўніком Геніем Яўгенавічам Карманавым (1928—2007) мела дачку Наталлю (нар. 1975), таксама архітэктара.

↑ ^а ^б ^в ^г Карманова Людмила Алексеевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
↑ ^а ^б ^в ^г 14 марта 2024 года после болезни скончалась Карманова Людмила Алексеевна, член БСА с 1976 года (руск.). www.bsa.by. Праверана 28 сакавіка 2024.

Карманова Людмила Алексеевна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)